ރައްޔިތުންގެ މަޖިލީހުގެ މެންބަރެއްގެ ގޮތުގައި ލިބިވަޑައިގަންނަވާ މުސާރަ އަނބިދަރިންނަށް ހަރަދުކުރުމުގެ ބަދަލުގައި ދާއިރާގެ ރައްޔިތުންނަށް ހަރަދުކުރަން ޖެހިފައިވާ ކަމަށް މަޖިލީހުގެ ވެލިދޫ ދާއިރާގެ މެންބަރު މުހައްމަދު އައްބާސް ވިދާޅުވެއްޖެ އެވެ.
އައްބާސް އެކްސްގައި މިއަދު ކުރެއްވި ޕޯސްޓެއްގައި ވިދާޅުވީ އެއް ދުވަހުން އަނެއް ދުވަހަށް ބޭސްފަރުވާއަށް ސަލާންޖަހާ ރައްޔިތުންގެ އަދަދު އިތުރުވަމުން އަންނަ ކަމަށާއި އޭނާވެސް ގިނައިން ފައިސާ ހަރަދުކުރަން ޖެހެނީ ބޭސް ފަރުވާއަށް ކަމަށެވެ.
”އިންކަމް ޓެކްސް، ޕެންޝަނަށް ކަނޑާފައި ކޮންމެ މަހަކު މަޖިލިސް މުސާރައާއި ކޮމިޓީ އެލޮވެންސްއާ ލިވިން އެލަވެންސްގެ ގޮތުގައި އަޅުގަނޑުގެ އެކައުންޓަށް ޖަމާވާ 76،900 ރުފިޔާ އިން އަޅުގަނޑުގެ އަނބިދަރިންނާއި އާއިލާއަށް އެންމެ ލާރިއެއްވެސް ހަރަދުނުކޮށް، އެ ފައިސާ އެއްކޮށް ހަރަދުކުރަމުން މި ދަނީ އަޅުގަނޑު އިންތިހާބުކުރި ދާއިރާގެ ރައްޔިތުންގެ ބޭސްފަރުވާއަށް“ އައްބާސް ވިދާޅުވި އެވެ.
އޭނާ ވިދާޅުވީ، މަޖިލިސް މެންބަރުންނަށް ލިބިދޭ ބޭސްފަރުވާގެ ހިދުމަތާ އެއް ފެންވަރުގެ ހިދުމަތެއް އާންމު ރައްޔިތުންނަށްވެސް ލިބެން ޖެހޭނެ ކަމަށާއި އެފަދަ ނިޒާމެއް ގާއިމުވެފައި އޮތުމަކީ މުހިންމު ކަމެއް ކަމަށެވެ.
10 Comments
ގުޅުންހުރި
15 އަހަރުވުމުން ޔުނިވާސިޓީގެ ދަރަޖަ ލިބޭގޮތަށް ހުށަހެޅި އިސްލާހު ފާސްކޮށްފި
މީހުން ދިރިއުޅޭ ޓައުންޝިޕްތައް އެސްއީޒެޑްގައި ހިމެނޭގޮތަށް ހުށަހެޅި އިސްލާހު ފާސްކޮށްފި
ވަގަށް ބޭރުކުރި ސިނގިރޭޓް ގެނައި ކުންފުނީގެ ހިއްސާދާރަކަށް ހިތާދޫ ދާއިރާގެ މެންބަރު
ނާޒިމްގެ ކަންބޮޑުވުން: ސިނގިރޭޓް ވަގަށް އެތެރެކުރުން އިތުރުވެ, އާމްދަނީ އެބަ ދަށްވޭ!
ހެލިކޮޕްޓަރުގެ ހިދުމަތް ނުފެށި ލަސްވާ މައްސަލައިގައި މިނިސްޓަރާ ސުވާލުކުރަނީ
މީޑިއާ ކޮމިޝަނަށް މަޖިލީހުން ހޮވާ ތިން މެންބަރުން އައްޔަންކޮށްފި