ކޮޕީރައިޓްގެ ހައްގުތަކަށް ހިމާޔަތް ލިބޭ މުއްދަތު އިތުރުކުރަން ކޮޕީރައިޓާއި އެއާގުޅޭ އެހެނިހެން ހައްގުތަކުގެ ގާނޫނަށް ހުށަހެޅި އިސްލާހު ރައްޔިތުންގެ މަޖިލީހުން ފާސްކޮށްފި އެވެ.
ސަރުކާރުގެ ފަރާތުން މަޖިލީހަށް އެ އިސްލާހު ހުށަހެޅުއްވީ ނިލަންދޫ ދާއިރާގެ މެންބަރު ފާތިމަތު ސައުދާ އެވެ.
މަޖިލީހުގެ މިއަދުގެ ޖަލްސާގައި އެ އިސްލާހު ފާސްވީ ވޯޓު ދެއްވި 57 މެންބަރުންގެ އިއްތިފާގުންނެވެ. މި އިސްލާހު ފާސްކުރުމަށް ނެގި ވޯޓުގައި އެމްޑީޕީގެ މެންބަރުން ބައިވެރިނުވެ އެވެ.
މި އިސްލާހު ފާސްވުމުގެ ސަބަބުން ކޮޕީރައިޓްގެ ހައްގުތަކަށް ހިމާޔަތް ލިބިދެވޭ މުއްދަތު 50 އަހަރުން 70 އަހަރަށް އިތުރުވާނެ އެވެ.
އެ ގޮތުން އުފެއްދުމެއްގެ އިގްތިސާދީ އަދި އަހްލާގީ ހައްގުތައް އެ އުފެއްދުމެއްގެ މުސައްނިފުގެ ހަޔާތުގައި އަދި އެ މީހަކު މަރުވުމަށްފަހު ފުރިހަމަ 70 އަހަރު އަދި ދެ މީހަކު ނުވަތަ އެއަަށްވުރެ ގިނަ މީހުން ގުޅިގެން އުފައްދާފައިވާ އުފެއްދުމެއްގެ އިގުތިސާދީ އަދި އަހުލާގީ ހައްގުތައް އެ މުސައްނިފުންގެ ތެރެއިން އެންމެފަހުން ދިރިހުރި މުސައްނިފުގެ ހަޔާތުގައި އަދި އެއަށްފަހު ފުރިހަމަ 70 އަހަރު ވަންދެން ގާނޫނުގެ ދަށުން ހިމާޔަތްކުރެވޭނެ އެވެ.
މީގެ އިތުރުން ކޮޕީރައިޓާގުޅޭ ހައްގުތައް ކަށަވަރު ކުރުމުގައާއި އެނޫންވެސް ގާނޫނު ތަންފީޒު ކުރުމުގައި ދިމާވާ ބައެއް ދަތިތައް ހައްލުކުރުމަށްޓަކައި ގާނޫނަށް ވަނީ އިސްލާހު ގެނެސްފަ އެވެ.
ގުޅުންހުރި
މިއަދު ބާއްވަން އުޅުނު މަޖިލީހުގެ ޖަލްސާ ކެންސަލްކޮށްފި
ބުރުގާ އެޅުމަށާއި ތުނބުޅި މަތިމަސް ބެހެއްޓުމަށް ރިސޯޓް މުވައްޒަފުންނަށް ހުރަސްނާޅަން ގޮވާލައި
ރާއްޖެ ބަނގުރޫޓުވެދާނެ ކަމަށް ބޭރުގެ އެއްވެސް ފަރާތަކުން މިހާރު ވާހަކަ ނުދައްކާނެ:
ކޯޓަށް ސާބިތު ވެފައިނުވާ ކަމެއްގެ ވާހަކަ މަޖިލީހުގައި ދައްކައިގެންނުވާނެ: އަބްދުއްރަހީމް
ޑުރަގުގެ ގާނޫނު އިސްލާހުކޮށް، ގޭންގު ކުށްތައް ހުއްޓުވަން އާ ބިލެއް ހުށަހަޅަނީ
ސީއެސްސީގެ މުވައްޒަފުންގެ ޒާތީ މައުލޫމާތު ހޯދައި ޖާސޫސު ކުރަމުންދާތާ އެތައް ދުވަހެއް!