ރައީސް ޑރ. މުހައްމަދު މުއިއްޒު، އއ. އަދި ކ. އަތޮޅުގެ ބައެއް ރަށްތަކަށް ކުރައްވާ ރަސްމީ ދަތުރުފުޅެއްގައި މިއަދު ފުރާވަޑައިގެންފި އެވެ.
ދެ ދުވަހުގެ މި ދަތުރުފުޅުގައި ރައީސް އެންމެ ފުރަތަމަ ވަޑައިގަންނަވާނީ އއ. ތޮއްޑޫއަށެވެ. މިއަދު ހެނދުނު ތޮއްޑޫއަށް ވަޑައިގެން އެ ރަށުގެ ރައްޔިތުންނާއި ކައުންސިލާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީއާ ބައްދަލުކުރައްވާނެ އެވެ.
މި ދަތުރުފުޅުގައި ރައީސް މިއަދު ދެން ވަޑައިގަންނަވާނީ އއ. ރަސްދޫ އާއި އެ އަތޮޅު މަތިވެރިއަށެވެ. އަދި މާދަމާ ކ. ހިންމަފުއްޓާއި ހުރާ އަދި ގާފަރަށް ވަޑައިގަންނަވާނެ އެވެ.
މި ދަތުރުފުޅު ނިންމަވައިލެއްވުމަށްފަހު ރައީސް މާލެ ވަޑައިގަންނަވާނީ މާދަމާ އެވެ.
ރައީސްގެ މި ދަތުރުފުޅުތަކަކީ ރާއްޖޭގެ ހުރިހާ އަތޮޅަކަށް ޒިޔާރަތްކުރައްވައި، އަތޮޅުތަކާއި ރަށްތަކާއި ސިޓީތަކުގެ ލޯކަލް ކައުންސިލުތަކާ އަދި އ.ތ.މ. ކޮމިޓީތަކާ ބައްދަލުކުރެއްވުމަށް އެ މަނިކުފާނު މި އަހަރު ފެއްޓެވި ސިލްސިލާ ދަތުރުފުޅުތަކުގެ ތެރެއިން ބައެކެވެ.
އެ ދަތުރުފުޅުތަކުގައި ރައްޔިތުންނާވެސް ބައްދަލު ކުރައްވައި ތަރައްގީގެ މަޝްރޫއުތައް ތަރުތީބުކުރާނޭގޮތާމެދު މަޝްވަރާ ކުރައްވާނެ އެވެ.
ރައީސުލްޖުމްހޫރިއްޔާ ވިދާޅުވެފައިވާ ގޮތުން އެ މަނިކުފާނުގެ އަމާޒަކީ މި ފަސްއަހަރުގެ ތެރޭގައި ރާއްޖޭގެ ކޮންމެ ރަށަކަށްވެސް މަދުވެގެން ދެ ފަހަރު ޒިޔާރަތްކުރެއްވުމަށް މަސައްކަތްޕުޅު ކުރެއްވުމެވެ.
4 Comments
ގުޅުންހުރި
ވާނުވާ ބަންދުގައި ތިބި މީހުން ޓެގު އެޅުވުމަށްފަހު ދޫކުރަން ފަށައިފިން: ރައީސް
މިހާ ފެންވަރު ރަނގަޅު، އިހުލާސްތެރި ވަޒީރުންނެއް ދުނިޔޭގެ އެއްވެސް ގައުމަކުން ނުލިބޭނެ:
މިއީ ދިވެހި ހައްޖުވެރިންނަށް އެންމެ ލުއި، އެންމެ އިންތިޒާމު ރަނގަޅު ހައްޖު
މައްކާ ރޫޓްގައި ރާއްޖެ ހިމެނުމުން އެނގެނީ ދެ ގައުމުގެ ދެމެދު އޮތް
ރައީސް މުއިއްޒުގެ ސްޕެޝަލް އެންވޯއިއަކަށް ކުރީގެ ރައީސް ވަހީދު
ގައުމުގެ މައްސަލަތައް ހައްލުކުރަން ވަކި މީހެއްގެ މޫނަށް ކަނދުރާ އަކަށް ނުބަލާނަން: