ހިޔާނާތުގެ ތެރެއިން ބިމާއި ފްލެޓް ދިން ކަމަށް ތުހުމަތު ކުރެވޭ ބޮޑެތި މައްސަލަތަކެއްގެ ތެރޭގައި އޮތް އެޗްޑީސީން ފަސް ލެޕްޓޮޕް ވަގަށް ނަގައިފިއެވެ.
ފުލުހުން ބުނީ އެޗްޑީސީން މިއަދު ރިޕޯޓް ކުރި އެ ހާދިސާގައި ލެޕްޓޮޕްތައް ވަގަށް ނެގީ ހުޅުމާލޭ ފޭސް ދޭއްގައި މިހާރު ހިމެނޭ ފަރުކޮޅުފުށީގައި ހުންނަ އެޗްޑީސީގެ ޕްރޮޖެކްޓް އޮފީހުން ކަމަށެވެ. އަދި އެ މައްސަލައިގައި ތުހުމަތު ކުރެވޭ މީހާ މި ވަގުތު ހުރީ މަސްތުވާތަކެތީގެ މައްސަލައެއްގައި ހައްޔަރުކޮށްފައި ކަމަށްވެސް ބުންޏެވެ.
”[ލެޕްޓޮޕްތައް] އަދި ނުފެނޭ. ހޯދުމުގެ މަސައްކަތަށް ކުރިއަށް އެބަދޭ. ތުހުމަތު ކުރެވޭ މީހާ ދަނީ ފުލުހުންނަށް އެއްބާރުލުން ދެމުން،“ ފުލުހުންގެ ތަރުޖަމާނު އަހުމަދު ޝިފާން މީޑިއާތަކަށް ފޮނުވި މެސެޖުގައި ވިދާޅުވި އެވެ.
އެ މައްސަލަ އިތުރަށް ތަހުގީގު ކުރަމުންދާ ކަމަށް ވެސް ފުލުހުން ބުންޏެވެ.
އެޗްޑީސީން ލެޕްޓޮޕްތަކެއް ވަގަށް ނަގާފައި މިވަނީ އެ ތަނުގައި ހިންގާފައިވާ ކަމަށް ހިޔާނާތުގެ ބޮޑެތި ކަންކަމުގެ ތަހުގީގެއް ފުލުހުންނާއި އެންޓި ކޮރަޕްޝަން ކޮމިޝަނުން ކުރަމުން ދަނިކޮށެވެ. އެ މައްސަލަ ތަހުގީގު ކުރަމުން ދަނިކޮށް އެޗްޑީސީގެ މެނޭޖިން ޑިރެކްޓަރުގެ މަގާމުގައި ހުންނެވި އިބްރާހިމް ފަޒުލް ރަޝީދު ވަނީ މިދިޔަ ހޮނިހިރު ދުވަހު އިސްތިއުފާ ދެއްވައިފަ އެވެ.
9 Comments
ގުޅުންހުރި
ޔުމްނު ”ވެއްޓުނު“ މައްސަލަ ތަހުގީގުކުރަން ހާއްސަ ކޮމިޝަނެއް، ރައީސަކަށް މުނައްވަރު
އިތުރު ފަރުވާއަށް ޔުމްނު މެލޭޝިއާއަށް، ފަރުވާގެ ފުރަތަމަ ބުރަށް ބޭނުންވާ ފައިސާ
މައްސަލައެއް ހޫނުވިޔަ ނުދޭން އިސްތިއުފާ ދިނުމަކީ އެންމެ ރީތި ޑިމޮކްރެޓިކް އުސޫލު:
ކުރިން ބުނި އެތި ކެންސަލް! ފުލުހުންގެ އިދާރާ ހިންގެވުން ނަވީނަށް
ފުލުހުންގެ އިދާރާ ހިންގުން ވަގުތީ ގޮތުން ޑީސީޕީ ފަރުހާދާ ހަވާލުކޮށްފި
ޕޮލިސް ކޮމިޝަނަރުގެ މަގާމުން ޝުޖާއު އިސްތިއުފާ ދެއްވައިފި