ފުލުހުން ރޭ ހިންގި އޮޕަރޭޝަނެއްގެ ތެރެއިން މީހަކު ހައްޔަރުކުރާ މަންޒަރުގެ ފޮޓޯއެއް ނޫސްވެރިއަކު ނެގުމުން އެ ފޮޓޯ ފުލުހުން ޑިލިޓް ކުރުވި މައްސަލަ ބަލަން ފަށައިފައިވާ ކަމަށް ފުލުހުން ބުނެފި އެވެ.
ފުލުހުން މިއަދު ބުނީ ފުލުހުންގެ އޮފިސަރަކު ފޮޓޯ ޑިލީޓު ކުރި ކަމުގެ ތުހުމަތެއްގެ ޝަކުވާ ލިބިފައިވާ ކަމަށެވެ.
”އެފަދަ ތުހުމަތެއްގެ ޝަކުވާއެއް ސަމާލުކަމަށް އައިސްފައިވާތީ އެކަން ހިނގާފައިވާ ގޮތެއް ބަލަމުން ދަނީ،“ ފުލުހުން ބުންޏެވެ.
ފުލުހުން ފޮޓޯ ޑިލިޓް ކުރަން އެންގީ ”އަސްލު ޓީވީ“ގެ ނޫސްވެރިޔާ ޝާމާ ޝުއައިބަށެވެ. އޭނާ ފޭސްބުކުގައިކުރި ޕޯސްޓެއްގައި ބުނެފައިވަނީ ބުނީ ރޭ 8:26 ހާއިރު މާލޭގެ މަގުމަތީގައި މީހަކު ހައްޔަރު ކޮށްގެން އުޅޭތީ އެ ތަނުގެ ފޮޓޯ ނަގަން ދިޔައީ ޕްރެސް ކާޑު ވެސް ހިފައިގެން ކަމަށެވެ.
އެކަމަކު، އެ މަންޒަރުގެ ފޮޓޯ ނެގުމާ އެކު، ފުލުހަކު ވަނީ އެ ފޮޓޯ ފޮހެލަން އަންގާފައި ކަމަށާއި ޕްރެސް ކާޑު ދެއްކުމުން ވެސް ”ގަދަ ދައްކާލީ“ ފޮޓޯ ޑިލީޓް ކުރުވަން ކަމަށް ”އަސްލު ޓީވީ“ ގެ ނޫސްވެރިޔާ ޝާމާ ޝުއައިބު ބުންޏެވެ.
”އެންމެ ފަހުން ހައްޔަރުކުރާ ހިސާބަށް ދިޔައީމާ މި ޖެހުނީ ޑިލީޓް ކުރަން. މިއީ ކޮން އުސޫލެއް، ކޮން ހަމައެއް ކަމެއް ބުނެ ނުދެވުނު އެ އޮފިސަރަކަށް،“ އެ ނޫސްވެރިޔާ ކަންބޮޑުވުން ފާޅުކޮށް ލިޔެފައިވެ އެވެ.

1 Comment
ގުޅުންހުރި
ހުޅުމާލެއިން މީހަކު ގެއްލިގެން ހޯދަނީ
މުޒާހަރާއިން ހައްޔަރުކުރި ނޫސްވެރިން ދޫކޮށްލައިފި
ނޫސްވެރިން އިހުތިޖާޖު ކުރަމުން ދަނިކޮށް މީޑިއާތަކަށް ދޭ މާލީ އެހީތެރިކަމަށް ކުރިމަތިލުމަށް
ޓިކްޓޮކްގައި ކުޑަ އަންހެން ކުއްޖަކު ވިއްކާލަން ފޮޓޯ އާންމުކުރި މައްސަލަ ބަލަނީ
ކުޑަ ކުއްޖަކަށް ވަޅިއެއް ވިއްކައިފި ނަމަ އެއްލައްކަ ރުފިޔާއަށް ޖޫރިމަނާ ކުރަނީ
ވަޒީފާ ހޯދުމަށް ވަގު ސެޓްފިކެޓު ހުށަހަޅާ މައްސަލަތައް ފުލުހުން ބަލަނީ