އެހެން ގައުމެއްގެ ޕާސްޕޯޓެއްގައި އިޒްރޭލު މީހުންނަށް ރާއްޖެއަށް އާދެވޭ ގޮތަށް އިމިގްރޭޝަންގެ ގާނޫނު އިސްލާހުކުރަން މޯލްޑިވްސް އިމިގްރޭޝަނުން ހުށަހަޅައިފިއެވެ.
އިޒްރޭލުގެ ޕާސްޕޯޓު އޮންނަ މީހުން އަދި އެހެން ގައުމެއްގެ ޕާސްޕޯޓު އޮންނަ އިޒްރޭލު މީހުން ވެސް ރާއްޖެ އަށް އެތެރެވުން މަނާކުރަން އިމިގްރޭޝަން ގާނޫނު އިސްލާހުކުރަން ހުށަހެޅުއްވީ ގަލޮޅު ދެކުނު ދާއިރާގެ އެމްޑީޕީގެ މެންބަރު މީކާއިލް އަހުމަދު ނަސީމެވެ. އޭނާ އެގޮތަށް އިސްލާހު ހުށަހެޅުއްވީ މިދިޔަ އަހަރުގެ މެއި 29 ވަނަ ދުވަހު އެވެ، އެ އިސްލާހު ސަލާމަތީ ހިދުމަތްތަކާ ބެހޭ (241) ކޮމިޓީ އަށް ފޮނުވި ފަހުން، އެ ބިލް އަދިވެސް އޮތީ ކޮމިޓީ މަރުހަލާގަ އެވެ.
އެ ކޮމިޓީން މިއަދު ބޭއްވި ބައްދަލުވުމުގައި އިމިގްރޭޝަންގެ ފަރާތުން ހުށަހެޅީ ރާއްޖެ އައުމަށް އެދި އިޒްރޭލު ޕާސްޕޯޓު ހުށަހަޅާ މީހުން އެކަނި ނުވަދެވޭނެ ގޮތަށް މީކާއިލް ހުށަހެޅުއްވި އިސްލާހު ބަދަލުކުރުމަށެވެ.
އިމިގްރޭޝަނުން ބުނީ ބިދޭސީން ރާއްޖެ އެތެރެވުމުގައި އެ މީހުންގެ ގައުމިއްޔަތު ދެނެގަތުމުގައި ބަލަނީ ރާއްޖެ އެތެރެވުމަށް ހުށަހަޅާ ޕާސްޕޯޓު ކަމަށެވެ. ރާއްޖެ އަންނަ އެއްވެސް މީހަކީ ދެ ގައުމެއްގެ ޕާސްޕޯޓު ނުވަތަ ޑުއަލް ސިޓިޒެންޝިޕް އޮންނަ މީހެއް ކަން ކަށަވަރު ކުރެވޭނެ ގޮތެއް އިމިގްރޭޝަންގައި ގާއިމުވެފައިނުވާ ކަމަށް އިމިގްރޭޝަނުން ބުންޏެވެ.
މީކާއީލް ހުށަހަޅުއްވާފައިވާ ގޮތަށް އިސްލާހު ފާސްކުރިޔަސް އެކަން ތަންފީޒު ކުރެވޭނެ ކަމަށް ނުބެލެވޭ ކަމަށް އިމިގްރޭޝަނުން ބުންޏެވެ.
24 Comments
ގުޅުންހުރި
އިޒްރޭލު ޕާސްޕޯޓުގައި ރާއްޖެ އެތެރެނުވެވޭ ބިލް ރައީސް ތަސްދީގު ކުރައްވައިފި
ބާރު ލިބޭ ދުވަހަކުން އެމްޑީޕީން އިޒްރޭލް ޕާސްޕޯޓު މަނާކުރުން އުވާލާނެ: ފަލާހު
އިޒްރޭލު ޕާސްޕޯޓުގައި ރާއްޖެ އެތެރެނުވެވޭ ގޮތަށް މަޖިލީހުން ފާސްކޮށްފި
އިމިގްރޭޝަންގެ އޮފިސަރުން ބިދޭސީ މީހާގެ އަތުން ފައިސާ އަތުލީ ސައްހަ ލިޔުންތައް
ޝަމްއާންގެ ބަންދަށް 15 ދުވަސް ޖެހި މައްސަލަ ހައިކޯޓަށް
ޝަމްއާންގެ އަނބިކަނބަލުންގެ ފޯނު ހިފަހައްޓައި 2 މީހަކު ފުރުން މަނާކޮށްފި