ކިތަންމެ ހިތްހަމަނުޖެހުނަސް ރައީސް ޑރ. މުހައްމަދު މުއިއްޒުގެ ވެރިކަމަށްވުރެ ކުރީގެ ރައީސް އިބްރާހިމް މުހައްމަދު ސޯލިހުގެ ވެރިކަން މާ ރަނގަޅު ކަމަށް ކުރީގެ ރައީސް އަބްދުﷲ ޔާމީން ރޭ ވިދާޅުވެއްޖެ އެވެ.
ޕީޕަލްސް ނެޝަނަލް ފްރޮންޓް (ޕީއެންއެފް) އިން ބޭއްވި ޖަލްސާގައި ޔާމީން ވިދާޅުވީ މި ސަރުކާރުން މިހާރު މިދަނީ ގަދީމީ ޒަމާނަށް ކަމަށާއި ސޯލިހުގެ ވެރިކަމުގައި ހަމަތަކުގައި ހިފަހައްޓައި ގާނޫނީ ވެރިކަމެއް ކުރަން އިސްކަން ދެއްވި ކަމަށެވެ.
”(ސޯލިހުގެ ވެރިކަމުގައި) މިއަށްވުރެ ރަނގަޅު އެނގޭތޯ ރޫލް އޮފް ލޯ އަޕްހޯލްޑް ކުރެވުނު. ގަވަނަންސް ސްޓްރަކްޗާ އަޕްހޯލްޑް ކުރެވުނު މިއަށްވުރެ ރަނގަޅު އަޅުގަނޑުމެން ކިތަންމެ ވަރަކަށް ހިތްހަމަނުޖެހުނަސް އިބްރާހިމް މުހައްމަދު ސޯލިހުގެ ފަސް އަހަރު ވެސް މިއަށްވުރެ ރަނގަޅު އެނގޭތޯ،“ ޔާމީން ވިދާޅުވި އެވެ.
ރޭގެ ޖަލްސާގައި ޔާމީން ވަނީ ޑިޖިޓަލައިޒް ކުރަން މި ސަރުކާރުން ފަށާފައިވާ މަސައްކަތަށްވެސް ފާޑުވިދާޅުވެފަ އެވެ.
އެ މަނިކުފާނު ވިދާޅުވީ، ކޮރަޕްޝަން ހުއްޓުވުމުގެ ނަމުގައި ޑިޖިޓަލައިޒް ކުރަން ރައީސް މުއިއްޒު އުޅުއްވި ނަމަވެސް މި ވެރިކަމުގައި ރޯމާދުވާލު ކުރަމުން ގެންދާ ވައްކަންތަކަށް ބަދަލެއް އަންނާނެ ކަމަށް ގަބޫލު ނުކުރައްވާ ކަމަށެވެ.
”މިހާރު މިކުރަނީ ޑޭލައިޓް ވައްކަން ދެއްތޯ. ހަމަ ދިމްޔާތުގެ ޒުލެއް ގޮތަށް ރައްޔިތުންގެ މަޖިލިސް އެ ހިނގަނީ އެނގޭތޯ. އެހެންވީމަ ޑިޖިޓަލައިޒް ކުރިއަސް އެހެން ކަމެއް ކުރިއަސް މިކުރާ ވައްކަމަކަށް ބަދަލެއް ނާންނާނެ. އެސްއޯއީތަކުން ބޮޑެތި އަދަދުން ފައިސާ ނަގާފައި ގެންދާ ދިމަދިމާލަށް ބޮޑެތި މީހުންނަށް ގެންދާ ދިމަދިމާލަށް އެއަކަށް ބަދަލެއް ނާންނާނެ،“ ޔާމީން ވިދާޅުވި އެވެ.
47 Comments
ގުޅުންހުރި
އިޒްރޭލުން އިރާނަށް ދިން ހަމަލާތައް ރައީސް މުއިއްޒު ކުށްވެރި ކުރައްވައިފި
ބްރިޖު އެޅުމަށް ޗައިނާ އާއެކު އެންމެ ފުރަތަމަ މަޝްވަރާ ކުރީ އަޅުގަނޑު:
ސީޕީގެ މަގާމަށް ނަވީން އައްޔަންކޮށްފި
ރައީސްގެ ދުއާއަކީ ދިވެހިންގެ ހިތްތަކުގައި އެއްބައެއްވަންތަކަން އާލާކުރެވި، އެކުވެރިކަން ބަދަހިވުން
ގްރޭޓާ މާލެ ފައިނޭންޝަލް ޑިސްޓްރިކްޓް ލިމިޓެޑް ނަމުގައި އާ ކުންފުންޏެއް އުފައްދައިފި
ހެޔޮލަފާ ވެރިކަމެއްގެ ހަގީގީ މަންޒަރުތައް ދިވެހިންނަށް ފެނި މިދަނީ ކަށަވަރުވަމުން: ފަހުމީ