ސުޕްރީމް ކޯޓުގައި ހުސްވެފައިވާ ދެ ފަނޑިޔާރުކަމުގެ މަގާމަށް ކުރިމިނަލް ކޯޓުގެ ކުރީގެ އިސް ގާޒީ އަހުމަދު ހައިލަމްއާއި ރައްޔިތުންގެ މަޖިލިހުގެ ކުރީގެ މެމްބަރު މުހައްމަދު ވަހީދު އިބްރާހިމް (ލޯޔަރު ވައްޑެ) ކުރިމަތިލައްވައިފި އެވެ.
ސުޕްރީމް ކޯޓުގެ ބެންޗުން ދެ ފަނޑިޔާރެއްގެ މަގާމު ހުސްވީ އެ ދެ މަގާމުގައި ތިއްބެވި ފަނޑިޔާރު ޑރ. އަޒްމިރަލްދާ ޒާހިރާއި ފަނޑިޔާރު މަހާޒް އަލީ ޒާހިރު މަގާމުން ވަކިކުރަން ރައްޔިތުންގެ މަޖިލީހުން ފާސް ކުރުމުންނެވެ.
އެހެންވެ ޖުޑީޝަލް ސާވިސް ކޮމިޝަން (ޖޭއެސްސީ) އިން ވަނީ ސުޕްރީމް ކޯޓުގެ ފަނޑިޔާރުގެ މަގާމަށް ކުރިމަތިލުމަށް މި މަހުގެ 17 ވަނަ ދުވަހު ހުޅުވާލައިފަ އެވެ. މިއަދު 12:00 ޖެހިއިރު ވަނީ އެ މަގާމަށް ކުރިމަތިލުމުގެ ފުރުސަތު ހަމަވި އިރު، މުއްދަތު ހަމަވި އިރު 12 ބޭފުޅަކު އެ މަގާމަށް ކުރިމަތިލައްވާފައިވާ ކަމަށެވެ.
ސުޕްރީމް ކޯޓުގެ ފަނޑިޔާރުގެ މަގާމަށް ކުރިމަތިލި ބޭފުޅުން:
- ހައިކޯޓުގެ އިސް ފަނޑިޔާރު މުހައްމަދު ފައިސަލް
- ހައިކޯޓުގެ ފަނޑިޔާރު މުހައްމަދު ސަލީމް
- ހައިކޯޓުގެ ކުރީގެ އިސް ފަނޑިޔާރު ޝުޖާއު އުސްމާން
- ހައިކޯޓުގެ ކުރީގެ ފަނޑިޔާރު އަބްދުﷲ ހަމީދު
- ކްރިމިނަލް ކޯޓުގެ ކުރީގެ އިސް ގާޒީ އަހުމަދު ހައިލަމް
- ކުރީގެ މެޖިސްޓްރޭޓް މުހައްމަދު ރާޣިބް އަހުމަދު
- ސިވިލް ކޯޓުގެ ކުރީގެ ގާޒީ އަދި ކުރީގެ ޑެޕިއުޓީ ޕްރޮސެކިއުޓާ ޖެނެރަލް މަރިޔަމް ނިހާޔަތު
- ކުރީގެ އެސިސްޓެންޓް ޕީޖީ އައިޝަތު ފަޒްނާ
- ގާނޫނީ ވަކީލް އަދި ރައްޔިތުންގެ މަޖިލިހުގެ ކުރީގެ މެމްބަރު މުހައްމަދު ވަހީދު އިބްރާހިމް (ވައްޑެ)
- ގ. އަންމޯލް އިބްރާހިމް އަލީ
- ގއ. ކޮނޑޭ ދާރުއްސަލާމް މުހައްމަދު އިބްރާހިމް
ގުޅުންހުރި
ރާއްޖެއަށް އެތެރެކުރަން އުޅުނު 7 މިލިއަން ރުފިޔާގެ ޑުރަގް އަތުލައިގެންފި
ޗައިނާ ސަރުކާރުގެ އެހީގައި 50 ކައުންސިލެއްގެ އިމާރާތް ހަދަން އެލްއޯއީގައި ސޮއިކޮށްފި
ރާއްޖޭގައި ވެސް ކޮވިޑް ކޭސްތައް އިތުރުވަމުން އަންނަތާ އެތައް ދުވަހެއް، ސަމާލުވާން
ފުލުހުންގެ އިހުމާލުން ދޫވުމުން އާ އަމުރެއްގެ ދަށުން ރައުދު އަނެއްކާވެސް ހައްޔަރުކޮށްފި
އާއިލާގެ އެެއްބާރުލުން ނުލިބޭތީ މެލޭޝިއާގެ ފުލުހުންގެ އެހީގައި ޔުމްނުގެ ބަޔާން ނަގަނީ
ފުލުހުންގެ އިހުމާލުން ރައުދު ބަންދުން ދޫވެއްޖެ