އިލެކްޓްރޯނިކް މޮނިޓަރިން ޓެގު އެޅުވުމަށްފަހު ބަންދުން ދޫކުރަނީ ރައީސް ޑރ. މުހައްމަދު މުއިއްޒުގެ ތިމާގެ ބޭފުޅުންނާއި ރައްޓެހިން ކަމަށް ކުރީގެ ހޯމް މިނިސްޓަރު އިމްރާން އަބްދުﷲ ވިދާޅުވެއްޖެ އެވެ.
ޝަރީއަތް ނިމެންދެން ބަންދުގައި ތިބި މީހުން ނުވަތަ ވާނުވާ ބަންދުގައި ތިބި މީހުން ޓެގު އެޅުވުމަށްފަހު ދޫކޮށްލުމުގެ މަސައްކަތް އިއްޔެ ފެށި އިރު، މިހާތަނަށް ދެ މީހަކު ވަނީ އެގޮތަށް ދޫކޮށްލައިފަ އެވެ.
އިމްރާން މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ، އިލެކްޓްރޯނިކް މޮނިޓަރިންގެ ނިޒާމަކީ ރައީސް އިބްރާހިމް މުހައްމަދު ސޯލިހުގެ ވެރިކަމުގައި ގާއިމުކުރި ނިޒާމެއް ކަމަށެވެ.
އެ ނިޒާމް ގާއިމުކުރީ ބޮޑެތި ކުށްކުރާ މީހުންގެ ތެރޭގައި ހިމެނޭ ރައީސުލްޖުމްހޫރިއްޔާގެ ތިމާގެ ބޭފުޅުންނާއި ރައްޓެހިންނާއި ހިތްޕުޅުވާ ބޭފުޅުން މަގުމައްޗަށް ދޫކޮށްފައި ބައިތިއްބާކަށް ނޫން ކަމަށްވެސް ވިދާޅުވި އެވެ.
”ތިޔަ ހައްދަވަނީ ވަރަށް ބޮޑު ގޯހެއް. ހުރިހާ ރައްޔިތުން ތިޔަ ވައްޓާލައްވަނީ ވަރަށް ބޮޑު ނުރައްކަލެއްގެ ތެރެއަށް. ތިޔަ އުޅުއްވަނީ ކޮންބައެއް ދޫކޮށްލައްވަން ކަން އަޅުގަނޑުމެންނަށް އެނގޭ،“ އިމްރާން ވިދާޅުވެފައިވެ އެވެ.
އިމްރާން އެހެން ވިދާޅުވި ނަމަވެސް، ޕްރޮސިކިއުޓާ ޖެނެރަލްގެ އޮފީހުން މިއަދު ބުނީ، ޓެގް އެޅުވުމަށްފަހު ވެސް ބަންދުން ދޫކުރާ މީހުންގެ ތެރޭގައި ކުޑަކުދިންނަށް ޖިންސީ ގޯނާ ކުރުމުގެ މައްސަލަތަކާއި މަރުގެ މައްސަލަތަކާއި ޓެރަރިޒަމްގެ ބޮޑެތި މައްސަލަތަކާއި މަސްތުވާތަކެތި ޓްރެފިކްކުރުމުގެ ބޮޑެތި މައްސަލަތަކުގެ ތުހުމަތުވާ މީހުން ނުހިމެނޭ ކަމަށެވެ. އަދި އެ މީހުންނަށް ލުއި ދިނުމަށް ހަމަޖެހިފައިނުވާ ކަމަށް ވެސް އެ އޮފީހުން ބުންޏެވެ.
16 Comments
ގުޅުންހުރި
ގާ އެޅުމަށާއި ކާސްޓިން މަސައްކަތްތަކައް ކުންފުންޏެއް ރައީސް އުފައްދަވައިފި
މިއަންނަ މަހުން ފެށިގެން ކަރަންޓުގެ އަގު ކުޑަކުރަން ރައީސް ނިންމަވައިފި
ސައުދީގެ ”ޕްރިންސް“ އާ ގުޅޭ ލިޔުންތަކާއި ފޮޓޯތައް ރައީސް އޮފީހުގެ ވެބްސައިޓުން
ވާނުވާ ބަންދުގައި ތިބި މީހުން ޓެގު އެޅުވުމަށްފަހު ދޫކުރަން ފަށައިފިން: ރައީސް
މިހާ ފެންވަރު ރަނގަޅު، އިހުލާސްތެރި ވަޒީރުންނެއް ދުނިޔޭގެ އެއްވެސް ގައުމަކުން ނުލިބޭނެ:
ފިރިހެނަކު މޫނުބުރުގާ އަޅައިގެން ފިހާރައަކަށް ވަދެ 67،500ރ. ގެ ގަޑިއެއް ވަގަށް