ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުން ފެށި ގެދޮރުވެރިޔާ ސްކީމުގެ ދަށުން ތަރައްގީކުރާ 4000 ހައުސިން ޔުނިޓުގެ މަސައްކަތް ކުރިއަށްދާ ގޮތް ރައީސް ޑރ. މުހައްމަދު މުއިއްޒު ބައްލަވާލައްވައިފި އެވެ.
ފަހި ދިރިއުޅުން ކޯޕަރޭޝަން (އެފްޑީސީ) ގެ ދަށުން ހަދާ އެ ފްލެޓްތަކުގ މަސައްކަތްތައް ބައްލަވައިލެއްވުމަށް މިއަދު ހުޅުމާލެ ދެވަނަ ފޭސްއަށް ރައީސް ވަޑައިގެންނެވި އިރު، އެ މަނިކުފާނުގެ އަރިހުގައި ސަރުކާރުގެ ބައެއް މިނިސްޓަރުން ވެސް ބައިވެރިވެވަޑައިގެންނެވި އެވެ.
ރައީސްގެ އެ ޒިޔާރަތުގައި އެފްޑީސީގެ މެނޭޖިން ޑިރެކްޓަރު ހަމްދާން ޝަކީލް ވަނީ ރައީސަށް އެ މަސައްކަތް މިހާތަނަށް ކުރިއަށްގޮސްފައިވާ ގޮތާއި އެ މަސައްކަތުގެ އެންމެ ފަހުގެ މައުލޫމާތު ހިއްސާކުރައްވައިފަ އެވެ.
