އއ. ތޮއްޑުގައި ރޭ ބާރު ސްޕީޑުގައި ދުއްވި ސައިކަލެއްގައި އެއް އަހަރުގެ ކުއްޖަކު ޖެހި، އިތުރު ފަރުވާއަށް އެ ކުއްޖާ މާލެ ގެނެސްފި އެވެ.
ރޭ 7:30 ހާއިރު ހިނގި އެ އެކްސިޑެންޓްގެ ވީޑިއޯ މިހާރު ސޯޝަލް މީޑިގައި ދަނީ ދައުރުވަމުންނެވެ.
އެ ވީޑިއޯ އިން ފެންނަ ގޮތުން އެކްސިޑެންޓް ހިނގީ ތިން އަންހެނުންނާ އެކު ކުއްޖާ މަގުމަތިން ހިނގާފައި ދަނިކޮށް ކުއްލިއަކަށް ކުއްޖާ ދުއްވައިގަތް ތަނުން، ބާރު ސްޕީޑުގައި އައި ސައިކަލަކުން ޖެހިގެންނެވެ. އެ ސައިކަލުގައި ތިބީ ދެ ފިރިހެނުންނެވެ.
ސައިކަލުން ޖެހުނު ގޮތަށް ކުއްޖާ ވިއްސައިގެން ގޮސް ބިން މައްޗަށް ވެއްޓެ އެވެ. ވީޑިއޯ އިން ފެންނަ ގޮތުން ސައިކަލުން ޖެހުނު ގޮތަށް އެ ކުއްޖާގެ ހަރަކާތް ހުސްވެ އެވެ.
އެއާ އެކު، މަގުގެ އެއް ފަރާތުގައި ހުރި ފިރިނަކު ވަގުތުން ކުއްޖާ ނަގައިގެން އިތުރު ބަޔަކާ އެކު ދުވެފައި ދާ ތަން ފެނެ އެވެ.
ފުލުހުން ބުނެފައިވާ ގޮތުން އެ އެކްސިޑެންޓުގައި އަނިޔާވި ކުއްޖާގެ ހާލު ސީރިއަސް ކަމަށާއި އެ ކުއްޖާ އިމަޖެންސީގައި މާލެ ގެނެސް މިހާރު އައިޖީއެމްއެޗްގައި ފަރުވާދެމުން އަންނަ ކަމަށް ވެސް ފުލުހުން ބުންޏެވެ.
ފުލުހުން ބުނާ ގޮތުން ބާރު ސްޕީޑުގައި ދުއްވި ސައިކަލު ފުލުހުން މިހާރު ވަނީ ޓޯކޮށްފަ އެވެ. ނަމަވެސް އެ މައްސަލައާ ގުޅިގެން އަދި މީހަކު ހައްޔަރުކޮށްފައި ނުވާ ކަމަށް ބުންޏެވެ.
28 Comments
ގުޅުންހުރި
އެސްޑީއެފްސީގެ ސަރުކާރުގެ ހިއްސާ ބީއެމްއެލްއަށް ވިއްކާލަން ނިންމައިފި
މިނިވަންދުވަހުގެ ރަސްމިއްޔާތުގައި ބައިވެރިވެވަޑައިގަތުމަށް ހުކުރު ދުވަހު މޯދީ ރާއްޖެ ވަޑައިގަންނަވަނީ
70،000 ރުފިޔާ ރިޓާޔަމެންޓް އެލެވެންސްގެ ގޮތުގައި މުއުތަސިމްއަށް ނުދޭން ނިންމައިފި
މާންދީ ދެއްކި ވާހަކައިގެ ސަބަބުން ރައީސްގެ ދަރިކަލުންގެ އަބުރު ގެއްލުނު ކަން
އުފަންވި އިރު ހަށިގަނޑުގައި މަސްތުވާތަކެތީގެ އަސަރު، ކުއްޖާގެ މަންމަ ހޯދުމުގެ މަސައްކަތް
އަނބިމީހާ/ ފިރިމީހާއަށް ގޯތި ލިބުނަސް ފްލެޓް ލިސްޓުން އުނި ނުކުރަން ނިންމައިފި