އެމްޑީޕީގެ ރިޔާސީ ޕްރައިމަރީގައި ވާދަކުރައްވާނެ ކަމަށް އެ ޕާޓީގެ ޗެއާޕާސަން ފައްޔާޒް އިސްމާއިލް ވިދާޅުވެއްޖެ އެވެ.
އެމްޑީޕީން މިއަދު ބޭއްވި ނޫސްވެރިންގެ ބައްދަލުވުމެއްގައި ފައްޔާޒު ވިދާޅުވީ އެމްޑީޕީން އަބަދުވެސް ރިޔާސީ ކެންޑިޑޭޓަކު ކަނޑައަޅަނީ ޕްރައިމަރީއަކުން ކަމަށެވެ. 2028 ވަނަ އަހަރު ބާއްވާ ރިޔާސީ އިންތިހާބުގައި ވާދަކުރާނެ ކެންޑިޑޭޓަކު ކަނޑައެޅުމަށް ވެސް ޕްރައިމަރީ ބާއްވާނެ ކަމަށް ފައްޔާޒު ވިދާޅުވި އެވެ.
ފައްޔާޒު ވަނީ ޕްރައިމަރީގައި ވާދަކުރައްވާނެކަން މީގެ ކުރިން ހާމަކުރައްވައި ގައުމީ މަޖިލީހުގެ މެންބަރުންގެ ތާއީދަށް އެދިވަޑައިގެންފަ އެވެ.
މިއަދުގެ ނޫސްވެރިންގެ ބައްދަލުވުމުގައި ވެސް ފައްޔާޒު ވިދާޅުވީ އެ ނިންމުން ބަދަލުނުވާ ކަމަށެވެ.
”މާތްﷲގެ އިރާދަފުޅުން ދުނިޔޭގައި ހުރެއްޖެނަމަ ކުރާނަން،“ ފައްޔާޒު ވިދާޅުވި އެވެ.
ހާމަކަން ބޮޑު ގޮތެއްގައި ޕްރައިމަރީގައި ވާދަކުރާނެކަން އަދި އިއުލާންކުރީ އޭނާ އެކަނި ކަމަށް ވެސް ފައްޔާޒު ވިދާޅުވި އެވެ.
އެމްޑީޕީގެ ރައީސް ރައީސް އަބްދުﷲ ޝާހިދު ވެސް ޕްރައިމަރީގައި ވާދަ ކުރައްވާނެ ކަމުގެ އަޑުތަކެއް ދަނީ ގަދަވަމުންނެވެ.
އެކަމާ ގުޅިގެން ނޫސްވެރިންގެ ބައްދަލުވުމުގައި ސުވާލު ކުރުމުން ޝާހިދު ވިދާޅުވީ އޭނާގެ ފޯކަސް އަދި އޮތީ އެމްޑީޕީއަށް ލޯކަލް ކައުންސިލް އިންތިހާބު ކާމިޔާބުކޮށް ދިނުމަށް ކަމަށެވެ.
”އަޅުގަނޑުގެ ފޯކަސް އޮތީ 2026 އަށް. އެމްޑީޕީން އިއުލާން ކުރާނެ ޕްރައިމަރީއަށް. ކުރީމަ ނޫންތޯ އެހާ ހިސާބުން ނޫންތޯ އެކަމާ ގުޅޭގޮތުން މީހުން އެއްޗެއް ބުނެ އުޅެނީ،“ ޝާހިދު ވިދާޅުވި އެވެ.
9 Comments
ގުޅުންހުރި
އެމްޑީޕީގެ ކެންޑިޑޭޓުން ހޮވައިފިއްޔާ، ދެންވެސް ކުރާނީ ޖެއްސުން: ނައިބު ރައީސް
މުޒާހަރާއާ ގުޅިގެން މައުރޫފް ހިމެނޭހެން އަށް މީހެއްގެ މައްޗަށް ދައުވާކޮށްފި
މުޒާހަރާގެ މައްސަލައިގައި މައުރޫފް ހިމެނޭހެން އިތުރު ދެ މީހަކަށް ދައުވާކުރުމަށް ޕީޖީއަށް
ލާމަރުކަޒީ ނިޒާމަކީ އެމްޑީޕީން ވިހާފައި މަގުމައްޗަށް ދޫކޮށްލި ނިޒާމެއް: ޝިޔާމް
ދެ އިންތިހާބު އެކުގައި ބާއްވަން އެމްޑީޕީން މިހާރު ބޭނުންނުވަނީ އިންތިހާބަށް ކަޑަ
ދެ އިންތިހާބު އެއްކޮށްލާ ވޯޓު ހުއްޓުމަށް އެމްޑީޕީން ކޯޓަށް