ރަޝިއާގެ ރައީސް ލަޑްމިއާ ޕުޓިން މަގާމުން ވަކިކުރި އެ ގައުމުގެ ޓްރާންސްޕޯޓް މިނިސްޓަރު ރޯމަން ސްޓަރޮވޮއިޓް މަރުވެފައި އޮއްވައި ފެނިއްޖެ އެވެ.
ޕުޓިން, އޭނާ މަގާމުން ވަކިކުރީ އިއްޔެގެ ވަގުތެއްގަ އެވެ. އޭނާ މަގާމުން ވަކިކުރި އެއްވެސް ސަބަބެއް ޕުޓިން ވިދާޅުވެފައެއް ނުވެ އެވެ. އޭނާ މަގާމުން ވަކިކުރިތާ އިރުކޮޅެއް ތެރޭ ޑެޕިއުޓީ މިނިސްޓަރަކަށް ހުރި އެންޑްރެއި ނިކިޓިން ވަނީ މިނިސްޓަރުގެ މަގާމަށް އައްޔަންކޮށްފަ އެވެ.
ރަޝިއަގެ އިންވެސްޓިގޭޓިވް ކޮމިޓީން ބުނީ, ސްޓަރޮވޮއިޓް މަރުވެފައިވަނީ އަމިއްލަ ގަޔަށް ބަޑި ޖަހައިގެން ކަމަށް ބެލެވޭ ކަމަށެވެ. ނަމަވެސް އެކަން ކަށަވަރު ކުރަން މަސައްކަތް ކުރަމުންދާ ކަމަށް ބުންޏެވެ.
ރަޝިއާގެ ޓްރާންސްޕޯޓް މިނިސްޓަރުގެ މަގާމަށް ސްޓަރޮވޮއިޓް އައްޔަން ކުރީ މެއި 2024ގަ އެވެ. އޭގެ ކުރިން އޭނާ ވަނީ އޮގަސްޓް 2024 ގައި ޔޫކްރެއިންގެ ސިފައިން ދިން ކުއްލި ހަމަލާއެއްގައި އެއްބައި ހިފާފައި އޮތް ކާސްކްގެ ގަވަރުނަރުކަން ހަ އަހަރުކޮށްފަ އެވެ.

ގުޅުންހުރި
އިންޖީނަރުންގެ ހުނަރާއި ހިތްވަރާ ނުލައި މިއަދު މިދެކޭ ފަސޭހަ ދިރިއުޅުމެއް ނުލިބޭނެ:
މެލޭޝިއާ ފުލުހުން ބަލަމުންދާ މައްސަލައެއްގައި ދިވެއްސަކު ހައްޔަކޮށްފި
ރިސޯޓެއްގައި ޒުވާނަކު މަރުވި މައްސަލަ، ޝައްކުތަކެއް ހުރުމުން އޮޓޮޕްސީ ހަދަނީ
ރާއްޖޭގެ ފަތުރުވެރިކަމުގެ އެއް ބާނީ އެމްޔޫ މަނިކު އަވަހާރަވެއްޖެ
ރައީސް، ޗައިނާއަށް ފުރާވަޑައިގެންފި
ނޫސްވެރިން އުލުބައިންދަން ފަލާހު ވިދާޅުވި މައްސަލަ ތަހުގީގުކުރަން ޕީޖީގެ ލަފާ ހޯދަނީ