މިދިޔަ ޖޫން މަހުގެ އެއްވަނަ ދުވަހު މުޅި މާލެ ސަރަހައްދުން ކަރަންޓު ކެނޑުނު މައްސަލަ އަދިވެސް ތަހުގީގު ކުރަމުން އަންނަ ކަމަށް ފުލުހުން ބުނެފި އެވެ.
ސްޓެލްކޯ އިން ކުރިން ބުނެފައިވާ ގޮތުން ޖޫން މަހުގެ އެއްވަނަ ދުވަހުގެ މެންދުރު 12:30 ހާއިރު މުޅި މާލެ ސަރަހައްދުން ކަރަންޓް ކެނޑުނީ ހުޅުމާލެއާއި މާލެއާ ދެމެދު އަޅާފައިވާ އިންޓަކަނެކްޝަން ކެނޑުމުގެ ސަބަބުންނެވެ.
އެ މައްސަލައާ ގުޅިގެން ހާއްސަ ތަހުގީގެއް ފެށިކަން ފުލުހުން އޭރު ހާމަކުރި ނަމަވެސް މިއަދާ ހަމައަށްވެސް އެކަމުގެ އެއްވެސް ތަފުސީލެއް ލިބިފައެއް ނުވެ އެވެ. އެ ތަހުގީގުގެ ތަފުސީލު ނުލިބި އޮއްވައި، އިއްޔެ އަނެއްކާވެސް ވަނީ މުޅި މާލެ ސަރަހައްދުން ކަރަންޓު ކެނޑިފަ އެވެ.
ފުލުހުން އިއްޔެ ބުނީ، 1 ޖޫންގައި މުޅި މާލެއިން ކަރަންޓު ކެނޑުނު މައްސަލައިގެ ތަހުގީގުގެ އިބްތިދާއީ ހޯދުންތަކާއި މައުލޫމާތު އެއްކުރެވިފައިވާ ކަމަށެވެ. އަދި އެ މައުލޫމާތައް ބަލައި އެ މައްސަލަ އިތުރަށް ތަހުގީގު ކުރަމުން އަންނަ ކަމަށްވެސް ފުލުހުން ބުންޏެވެ.
ފުލުހުން ބުނީ، ތަހުގީގު އެއްކޮށް ނިމުމުން ތަހުގީގުގައި ފާހަގަކުރެވުނު ކަންކަން ހިއްސާކުރާނެ ކަމަށެވެ.
5 Comments
ގުޅުންހުރި
ޖަލަށް މަނާތަކެތި ވެއްދި ކަމަށް ތުހުމަތު ކުރެވޭ އޮފިސަރުން އަދިވެސް ސަސްޕެންޝަންގައި
އަމުރަށް ތަބާނުވެ، ފުލުހުންގެ ސައިކަލެއްގައި ޖެއްސި މީހާ 24 ގަޑިއިރު ނުވަނީސް
ފުލުހުންގެ އަމުރަށް ތަބާނުވެ، ބާރު ސްޕީޑުގައި ކާރު ދުއްވި މީހާގެ ވަނަވަރު
ފުލުހުންނަށް ފިލަން ވެގެން ނުރައްކާތެެރިކޮށް ދުއްވި ކާރެއްގައި ތިބި ދެ މީހަކު
ހަތް ދުވަސް ވެއްޖެ، ޔާމީންގެ ހަބަރެއް ނުވޭ، ރާއްޖެއިން ބޭރަކަށް ނުފުރާ
ފޭކު ސްލިޕު ފޮނުވައިގެން ޒައިދާންއާއި އޭނާގެ އަންހެނުން ހައްޔަރުކޮށްފި