35 ލައްކަ ރުޕީސްގެ ހަދިޔާ ނުދީގެން އަނބިމީހާގެ ގައިގާ ރޯކޮށްލައި، މަރާލައިފި

އިންޑިއާގެ ނޮއިދާގައި ހަދިޔާގެ ގޮތުގައި 35 ލައްކަ ރުޕީސް ނުދިނުމުން އަނބިމީހާގެ ގައިގައި އަލިފާން ރޯކޮށްލައި މަރާލައިފި އެވެ.

އެ ހާދިސާގައި މަރުވެފައިވަނީ ނިކީ ނަމަކަށް ކިޔާ 28 އަހަރުގެ އަންހެނެކެވެ. އެ ހާދިސާއަށްފަހު އެ އަންހެން މީހާގެ ފިރިމީހާ އިންސްޓަގުރާމުގައި ކުރި ޕޯސްޓެއްގައި ބުނީ، އަނބިމީހާ މަރުވީ އަމިއްލައަށް ކަމަށެވެ. ނަމަވެސް އޭގެ ގަޑިއިރެއް ފަހުން އޭނާ ހައްޔަރުކޮށް ވަނީ ޖަލަށް ލައިފަ އެވެ.

ނިކީގެ ގަޔަށް ޕެޓްރޯލް އަޅައި ރޯކޮށްލާ ވީޑިއޯއެއް ފެންމަތިވެފައިވާއިރު، އެ ހާދިސާގައި ފިރިހެން މީހާގެ ބޭބެގެ އަތެއްވާ ކަމަށް ވެސް ފުލުހުން ތުހުމަތު ކުރެ އެވެ. އަދި ފިރިހެން މީހާގެ ބޭބެ ހޯދަމުންދާ ކަމަށްވެސް ފުލުހުން ބުންޏެވެ.