ފުވައްމުލަކު ކައުންސިލަށް ބާބާ ވާދަކުރަން ނިންމައިފި

ކުރިއަށް އޮތް ލޯކަލް ކައުންސިލް އިންތިހާބުގައި ފުވައްމުލަކު ކައުންސިލަށް ވާދަކުރަން ހަސަން އަތީގް (ބާބާ) ވާދަކުރާނެކަން އިއުލާންކޮށްފި އެވެ.

އަތީގަކީ ފުވައްމުލަކުގައި ބާބާ ގާޑިޔާގެ ނަމުގައި ލުއި ކާބޯތަކެތީގެ ކާމިޔާބު ވިޔަފާރިއެއް ހިންގަމުން އަންނަ ޒުވާން ވިޔަފާރިވެރިއެކެވެ. ބާބާ ގާޑިޔަލަކީ މުޅި ރާއްޖެއަށް، ވަކިން ހާއްސަކޮށް ފުވައްމުލަކުގެ ރައްޔިތުންނާއި އެ ރަށަށް ޒިޔާރަތްކުރާ މީހުންގެ މެދުގައި ވަރަށް މަގުބޫލު ތަނެކެވެ.

ބާބާގެ ފޭސްބުކް ޕޭޖް، އަތީގް ކަލޯގައި މިއަދު ލިޔެފައިވާ ޕޯސްޓެއްގައި ބުނީ، ފުވައްމުލަކު އުތުރު ދަޑިމަގު ދާއިރާގެ ގޮނޑިއަށް ވާދަކުރަން ނިންމީ ވަރަށް ގިނަ ބައެއްގެ އެދިލެއްވުމަށް ކަމަށެވެ.

ބާބާ ކައުންސިލަށް ވާދަކުރަނީ އެއްވެސް ޕާޓީއެއްގެ ފަރާތަކުން ކަމެއް އަދި ނޭނގެ އެވެ. ނަމަވެސް ވެރިކަން ހިންގާ ޕީއެންސީން މާލޭގައި މި މަހުގެ 14 ވަނަ ދުވަހު ބޭއްވި އެއްވުމަށް އޭނާ ވަނީ މާލެ އައިސްފަ އެވެ.