ކުރީގެ ރައީސް އަބްދުﷲ ޔާމީނަކީ ވައްކަން ކުރަން ދެވިހިފާފައި ހުރި އިންސާނެއް ކަމަށް ބުނެ ސަރުކާރު ހިންގާ ޕީއެންސީގެ ޕާލިމަންޓްރީ ގުރޫޕުގެ ލީޑަރު އަދި އިނގުރައިދޫ ދާއިރާގެ މެންބަރު އިބްރާހިމް ފަލާހު ޔާމީނަށް ބޮޑެތި ތުހުމަތުތަކެއް ކުރައްވައިފި އެވެ.
ޔާމީންގެ ވެރިކަން ނިމުނު ހިސާބުން ފެށިގެން މިއަދާ ހަމަޔަށް، ކުރީގެ ރައީސްގެ އޮފީސް ހިންގުމުގެ ހަރަދަށް ޖެހޭ 14.7 މިލިއަން ރުފިޔާ އެއްފަހަރާ ލިބޭނެ ގޮތް ހަމަޖައްސައި ދިނުމަށް އެދި ފިނޭންސް މިނިސްޓްރީ އަށް އެ މަނިކުފާނު ވަނީ ހުށަހަޅުއްވައިފަ އެވެ.
އެކަމާ ކޯފާ އިސްކުރައްވައި އެކްސްގައި ކުރެއްވި ޕޯސްޓެއްގައި ފަލާހު ވިދާޅުވީ، އެންމެ ލޯލާރިއެއްވެސް އޮފީސް ހިންގަން ދައުލަތުން ނުނަގާ ކަމަށް ކުރިން ރެއަކު ޔާމީން ވިދާޅުވި ކަމަށެވެ. އަދި ގާނޫނު އޮތް ގޮތުން ޖަލު ހުކުމެއްގައި ހުންނަ ވެރިއަކަށް އޮފީސް ހިންގުމުގެ ހަރަދެއް ނުލިބޭނެ ކަމަށް ފަލާހު ވިދާޅުވި އެވެ.
”ހަލާލު އެއްޗެއްވެސް، ވަގަށް ނޫނީ، ޔާމީނު ނުނަގާނެ! އެވަރަށް ވައްކަމަށް ދެވިހިފާފައި ހުރި، އިންސާނެއްމީ! 2018 އިން 2023 ހަށްހުރީ، ދައުލަތުން ވައްކަން ކޮށްގެން، ޖަލުގައި! ޤާނޫނު އޮތް ގޮތުން، ޖަލު ހުކުމެއްގައި ހުންނަ ވެރިއަކަށް އޮފީސް ހިންގުމުގެ ހަރަދެެއް ނުލިބޭނެ! މި އޮތީ މިކަމުންވެސް، ބޮޑުވައްކަމެއް ހިންގާލަން އުޅެފައި! އަހަރެން ބައެއް މީހުންނަށް، ކަމުނުދަނީ ތެދަށް މިފަދަ ވާހަކަ ދައްކާތި!،“ ފަލާހު ޕޯސްޓުގައިވެ އެވެ.




ގުޅުންހުރި
ލަންކާއަށް އެހީވާން 50،000 ޑޮލަރާއި 25،000 މަސްދަޅު ކޭސް ދެނީ
އެމްޑީޕީގެ ވަގުތީ ޗެއާޕާސަން ހޮވުމަށް ބޭއްވި ބައްދަލުވުން ހޫނުވެގެން ހުއްޓާލައިފި
ލަންކާ އިން ގެއްލުނު ދިވެހި އާއިލާ ފެނިއްޖެ
ނަޝީދު އަވަހާރަކޮށްލާނެ ކަމަށްބުނެ އިންޒާރުދިން މީހާ ދިހަ އަހަރަށް ޖަލަށް
ރޯދައިގެ ކުރިން އާ 15 މިސްކިތެއް ހުޅުވޭނެ: ރައީސް
ފާހިޝް ކަންކަމަށް މަގުފަހިވާ ތަކެތި ފެތުރުމާއި އާންމުކުރުމުން ދުރުހެލިވާން ޖެހޭ: ހުތުބާ