ރާއްޖެ ކާބޯތަކެއްޗާއި ތެލާއި ގޭހަކަށް ނުޖެހޭނެ: ސައީދު 

އިޒްރޭލާއި އެމެރިކާ ގުޅިގެން އިރާނަށް ހަމަލާދިނުމާއެކު ފެށުނު ހަނގުރާމައާ ގުޅިގެން ކާބޯތަކެއްޗާއި ތެލާއި ގޭހަށް ނުޖެހޭނެކަމުގެ ޔަގީންކަން އިކޮނޮމިކް މިނިސްޓަރު މުހައްމަދު ސައީދު ދެއްވައިފިއެވެ.

ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި މިނިސްޓަރު ސައީދު ވިދާޅުވީ، މިހާރުގެ ހާލަތު އޮތް ގޮތުން ތަކެތީގެ އަގަށް ބަދަލު އަންނަމުންދާ ކަމަށާއި ނަމަވެސް ރާއްޖެއިން ފިޔަވަޅުތައް އަޅަނީ އެކަންކަމަށް ވިސްނައިގެން ކަމަށްވާތީ، ރާއްޖެއަށް އަދި ތެލުގެ ދަތިކަމެއް ނާންނާނެ ކަމަށެވެ.

ރާއްޖެ އަންނަ ފަތުރުވެރިންނާއި ރާއްޖޭގައި މަސައްކަތް ކުރާ ބިދޭސީން ހިމެނޭގޮތަށް އެންމެންނަށް ކޭޓާ ކުރެވޭ ވަރަށް ތެލާއި ކާބޯތަކެތީގެ ރައްކާތެރިކަން ކަށަވަރު ކުރުމަށް މަސައްކަތް ކުރާ ކަމަށް މިނިސްޓަރު ވިދާޅުވިއެވެ.

ސައީދު ވިދާޅުވީ މިހާރުވެސް ރާއްޖެއަށް ތެޔޮ ޝިޕްމަންޓެއް އަންނަމުންދާ ކަމަށާއި މަތިންދާ ބޯޓުތަކަށް އަޅާ ތެލުގައިވެސް މައްސަލައެއް ނެތް ކަމަށެވެ. އަދި ސަރުކާރުން ހާލަތު ވަރަށް ގާތުން މޮނީޓާކުރަމުންދާ ކަމަށް މިނިސްޓަރު ވިދާޅުވިއެވެ.

ހަނގުރާމައާ ގުޅިގެން ދިވެހީންނަށް ކުރިމަތިވެދާނެ ދަތިތަކާއި ކުރިމަތިވާ ކަންކަމަށް ފިޔަވަޅުތައް އެޅުމަށް ރައީސް ޑރ. މުހައްމަދު މުއިއްޒު ވަނީ ނުވަ ވަޒީރުންގެ މައްޗަށް އެކުލެވޭ ހާއްސަ ކޮމިޓީއެއް ވެސް އުފައްދަވައިފައެވެ.