މާލެ ސަރަހައްދުގެ ޕަވާ ސެކިއުރިޓީ އިތުރުކުރަން 1.6 މެގަވޮޓްގެ ހައި ސްޕީޑް ކޮންޓެއިނާ ޖަނަރޭޓަރުގެ ދެ ސެޓު ރާއްޖެ ގެނެސް އެ ބެހެއްޓުމުގެ މަސައްކަތް މިއަދު ސްޓެލްކޯއިން ފަށައިފިއެވެ.
ސްޓެލްކޯއިން މިއަދު އެކްސްގައި ކުރި ޕޯސްޓެއްގައި ބުނީ، މިއީ މި އަހަރުގެ ޕީކް ސީޒަނަށް ތައްޔާރުވުމަށްޓަކައި، ގެންނަން ހަމަޖެހިފައިވާ ޖެނަރޭޓަރު ސެޓުތަކުގެ ތެރެއިން ޖަނަރޭޓަރު ސެޓްތަކެއް ކަމަށެވެ.
ސްޓެލްކޯއިން ބުނީ ޕީކް ސީޒަންގެ ކުރިން އިތުރު ދެ ޖެނަރޭޓަރު ސެޓާ އެކު ޖުމްލަ 6.4 މެގަވޮޓް އެ ކުންފުނީގެ ޕަވާ ޖަނަރޭޝަން ކެޕޭސިޓީއަށް އިތުރު ކުރެވިގެންދާނެ ކަމަށެވެ.
https://x.com/STELCOMALDIVES/status/1746152489227878475?s=20
އެހެންކަމުން ޕީކް ސީޒަންގައި މެދުނުކެނޑި 24 ގަޑިއިރު ކަރަންޓުގެ ޚިދުމަތް ފޯރުކޮށްދެވޭނެކަމުގެ ޔަގީންކަމާ އެކު، މާލެ ސަރަހައްދުގެ ޕަވާ ސެކިއުރިޓީ އިތުރުކުރެވިގެންދާނެ ކަމަށްވެސް އެ ކުންފުނިން ބުންޏެވެ.
ސްޓެލްކޯ އިން އެކްސް ގައި ކޮށްފައިވާ ޕޯސްޓާއި ގުޅިގެން އެކުންފުނީގެ މެނޭޖިންގ ޑިރެކްޓަރ ހުސެއިން ފަހުމީ ވިދާޅުވީ ސްޓެލްކޯ އަބަދުވެސް ދެމި އޮންނާނީ ރައްޔިތުންނަށް ފުރިހަމަ ޚިދުމަތެއް ފޯރުކޮށްދިނުމުގައިކަމަށާއި، ކުންފުނީގެ މެނޭޖްމަންޓާއި، މުވައްޒަފުންގެ އުއްމީދާއި، ރޫޙު އަބަދުވެސް ހުންނާނީ އެމަގަށްކަމަށެވެ. އަދި އެކަމަށްޓަކައި ކުރަންޖެހޭ ހުރިހާ މަސައްކަތެއް މެނޭޖްމަންޓާއި، މުވައްޒަފުން ކުރަމުންގެންދާނެ ކަމުގެ ޔަޤީންކަން އަރުވާކަމަށްވެސް ފަހުމީ ވިދާޅުވިއެވެ.
ގުޅުންހުރި
މާދަމާ ހެނދުނު މާލޭގެ ބައެއް ސަރަހައްދުތަކުން ކަރަންޓް ކެނޑިދާނެ: ސްޓެލްކޯ
ސްޓެލްކޯގެ 500،000 ގަސް އިންދުމުގެ ޕްރޮގްރާމް: 4 މަސް ތެރޭ 36،800
ސްޓެލްކޯ ކޮންޓެކްޓް ސެންޓަރުގެ ހިދުމަތް 24 ގަޑިއިރަށް ބަދަލުކޮށްފި
ސްޓެލްކޯގެ ލީޑާޝިޕް އެންހޭންސްމެންޓް ޓްރެއިންގެ ޕްރޮގްރާމުގެ ހަތް ވަނަ ބެޗު ފަށައިފި
ސްޓެލްކޯ ފޮޅާ ސާފުކުރުމުގެ މަސައްކަތް ވެމްކޯއާ ހަވާލުކޮށްފި
ބިލު ކުރާ ގޮތް ބެލުމަށް ހުރިހާ މުއައްސަސާތަކާއި ފަރާތްތަކަށް ސްޓެލްކޯގެ ދައުވަތެއް