ފަނޑިޔާރުންގެ އިސްތިނާފު މަޖިލީހަށް ތިން ފަނޑިޔާރަކު އައްޔަންކޮށްފިއެވެ.
ޖުޑިޝަލް ސާވިސް ކޮމިޝަން (ޖޭއެސްސީ) ގެ ދަށުން ހިންގާ ފަޑިޔާރުންގެ އިސްތިއުނާފު މަޖިލީހަށް މި އަހަރު އައްޔަންކޮށްފައިވާ ތިން ފަނޑިޔާރުންނަކީ ސުޕްރީމް ކޯޓުގެ ފަނޑިޔާރު ޑރ. މުޙައްމަދު އިބްރާހީމާއި ހައިކޯޓުގެ ފަނޑިޔާރު އަލްއުސްތާޒ މުޙައްމަދު ސަލީމްގެ އިތުރުން ކްރިމިނަލް ކޯޓުގެ ޤާޒީ ޙުސައިން ފާއިޒް ރަޝާދެވެ.
ފަޑިޔާރުންގެ އިސްތިއުނާފު މަޖިލީހަކީ ފަނޑިޔާރުންނާ ގުޅޭ ޝަކުވާތަށް ބަލައި، ޖުޑިޝަލް ޖޭއެސްސީން ނިންމާ ނިންމުންތަކުގެ ތެރެއިން ފަނޑިޔާރަކު މަޤާމުން ވަކިކުރަން ރައްޔިތުން މަޖިލީހަށް ހުށަހެޅުމަށް ނިންމާ ނިންމުންތައް ފިޔަވައި، އެނޫން އެހެން ނިންމުންތައް އިސްތިއުނާފު ކުރުމަށްޓަކައި އެކުލަވާލާފައިވާ މަޖިލީހެކެވެ.
އެގޮތުން ފަނޑިޔާރުންގެ އިސްތިނާފު މަޖިލީހަށް ކޮންމެ އަހަރަކުވެސް ތިން ފަނޑިޔާރަކު އައްޔަންކުރެ އެވެ. އޭގެތެރޭގައި ހިމެނެނީ ސުޕްރީމް ކޯޓުން ހަމަޖައްސާ ފަނޑިޔާރަކާއި، ހައި ކޯޓުން ހަމަޖައްސާ ފަނޑިޔާރެއްގެއިތުރުން ސުޕީރިއަލް ކޯޓުތަކުން އައްޔަންކުރާ ފަނޑިޔާރަކެވެ.

ގުޅުންހުރި
ސުޕްރީމް ކޯޓުން ޖޭއެސްސީއަށް ކަނޑައަޅާ މެމްބަރަކަށް ފަނޑިޔާރު ޝަހީދު
ސުޕްރީމް ކޯޓުގެ ފަނޑިޔާރު ކަމަށް ހައިކޯޓުގެ އިސް ފަނޑިޔާރު ޝަހީދު ކުރިމަތިލައްވައިފި
ނިހާޔަތު އެކަނި ކުރިމަތިލުމުން ސުޕްރީމް ކޯޓުގެ ފަނޑިޔާރު ކަމަށް އަލުން ހުޅުވާލައިފި
ފަނޑިޔާރު އަޒްމިރަލްދާގެ ވަކީލު ހަދަނީ ދޮގު، ހުރިހާ ހައްގުތަކެއް ފުރިހަމައަށް ދިނިން:
ތިން ފަނޑިޔާރުން ސަސްޕެންޑު ކުރީ ނެތް މައްސަލައެއް އުފައްދައިގެން: އަލީ ހުސެއިން
ފަނޑިޔާރު ސުއޫދު، އަޒްމިރަލްޑާ އަދި މަހާޒު ޖޭއެސްސީން ސަސްޕެންޑްކޮށްފި