ރ. ދުވާފަރަށް ދިމާވި ކަރަންޓުގެ މައްސަލަ ހައްލުކުރަން ސްޓެލްކޯގެ ހާއްސަ ޓީމަކުން އެރަށަށް ގޮސް، އެ މައްސަލަ ހައްލުކޮށްފި އެވެ.
ދުވާފަރުގެ ކަރަންޓު ކޭބަލްތަކަށް ދިމާވި މައްސަލައެއްގެ ސަބަބުން އިއްޔެގެ އެތައް އިރެއްވަންދެން އެ ރަށުގެ ބޮޑު ބަޔަކުން ކަރަންޓުގެ ހިދުމަތް އޮތީ ކެނޑިފަ އެވެ.
އެ މައްސަލަ ހައްލު ކުރަން އެމްޑަބްލިޔުއެސްސީން ކުރަމުންދިޔަ މަސައްކަތަށް ސްޓެލްކޯގެ އިންޖިނިއަރުންގެ ޓީމަކުން އެ ރަށަށް ދާން ފުރިކަން ސްޓެލްކޯގެ މެނޭޖިން ޑިރެކްޓަރު ހުސެއިން ފަހުމީ އިއުލާން ކުރެއްވީ ރޭ ދަންވަރު އެވެ.
ފަހުމީ މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ ދުވާފަރަށް ދިޔަ އެ ކުންފުނީގެ ޓީމުގެ އެހީތެރިކަމާއެކު، މިއަދު ހެނދުނު 6:30 ހާއިރު އެ ރަށުގެ ކަރަންޓުގެ މައްސަލަ ހައްލުކޮށް އެ ރަށަށް ކަރަންޓު ދީފައިވާ ކަމަށެވެ.
”ރައްޔިތުންނަށް އަޅުގަނޑުމެންގެ ބޭނުންޖެހޭ މިފަދަ ކޮންމެ ދަނޑިވަޅެއްގައި، އެއީ ގައުމީ މަސައްކަތެއް ކަމުގައި ދެކި، ކުންފުނީގެ މުވައްޒަފުން ކުރައްވަމުން ގެންދަވާ އިހުލާސްތެރި މަސައްކަތްތަކަށް ފަހުރުވެރިކަމާއި ސާބަހާއެކު ޝުކުރު ދަންނަވަން. ސްޓެލްކޯ ވާނީ އަބަދުވެސް ރައްޔިތުންނާއެކު، އެ ރައްޔިތުންގެ ހިދުމަތުގައި،“ ފަހުމީ ވިދާޅުވި އެވެ.
ގުޅުންހުރި
މާދަމާ ހެނދުނު މާލޭގެ ބައެއް ސަރަހައްދުތަކުން ކަރަންޓް ކެނޑިދާނެ: ސްޓެލްކޯ
ސްޓެލްކޯގެ 500،000 ގަސް އިންދުމުގެ ޕްރޮގްރާމް: 4 މަސް ތެރޭ 36،800
ސްޓެލްކޯ ކޮންޓެކްޓް ސެންޓަރުގެ ހިދުމަތް 24 ގަޑިއިރަށް ބަދަލުކޮށްފި
ޗާޕުކޮށްފައި ހުރި ފައިސާ މަދުކުރަން އޯޕަން މާކެޓު އޮޕަރޭޝަންސް ފަށަން ނިންމައިފި
ސްޓެލްކޯގެ ލީޑާޝިޕް އެންހޭންސްމެންޓް ޓްރެއިންގެ ޕްރޮގްރާމުގެ ހަތް ވަނަ ބެޗު ފަށައިފި
ސްޓެލްކޯ ފޮޅާ ސާފުކުރުމުގެ މަސައްކަތް ވެމްކޯއާ ހަވާލުކޮށްފި