އެޕޯލޯ ކުންފުނިން ހުޅުމާލޭގައި ހަދަމުންދާ ނުވަ އެޕާޓްމަންޓް ކޮމްޕްލެކްސްއަށް ބޭނުންވާ 46 ލިފްޓް ސަޕްލައިކޮށް އިންސްޓޯލް ކުރުމަށް އެސްޓީއޯއާ ހަވާލުކޮށް އެކަމުގެ އެއްބަސްވުމުގައި މިއަދު ސޮއިކޮށްފި އެވެ.
އެ އެއްބަސްވުމުގެ ދަށުން ކޮންމެ ޓަވަރެއްގައި މަދުވެގެން ފަސް ލިފްޓު ހަރުކުރަންޖެހޭއިރު، އެސްޓީއޯ އިން ބުނީ ފުރަތަމަ ދެ ޓަވަރަށް މި އަހަރު ތެރޭގައި ލިފްޓު ސަޕްލައިކޮށް، އިންސްޓޯލް ކުރާނެ ކަމަށެވެ. އެ ޓަވަރުތަކުގައި އިންސްޓޯލް ކުރާނީ ލިފްޓު މާކެޓުގައި މިހާރު ރާއްޖޭގައި އެންމެ މަގުބޫލު އެއް ލިފްޓު ބްރޭންޑް ކަމަށްވާ ”ކޯނޭ“ ލިފްޓު ކަމަށްވެސް ބުންޏެވެ.
ކޯނޭގެ ރާއްޖޭގެ ޑިސްޓްރިބިއުޓަރު އެސްޓީއޯ އިން ބުނީ، އެޕޯލޯ ޓަވަރުތަކުގައި ހަރުކުރެވިގެންދާ ”ކޯނޭ“ ލިފްޓުތައް ވެގެންދާނީ އެންމެ ޒަމާނީ އަދި ޓެކްނޮލޮޖީގެ ގޮތުން އެންމެ ކުރިއަރާފައިވާ ފީޗާތައް ހިމެނިގެންދާނެ ލިފްޓުތަކަށް ކަމަށެވެ.
އެސްޓީއޯއިން ވަނީ މީގެ ކުރިންވެސް ރާއްޖޭގެ ރިއަލް އެސްޓޭޓް މާކެޓުގައި ހިމެނޭ ބޮޑެތި ޕްރޮޖެކްޓް ތަކެއްގައި ”ކޯނޭ“ ލިފްޓު ހަރުކޮށް ދީފަ އެވެ.
ކޯނޭ ބްރޭންޑަކީ ދުނިޔޭގައި ލިފްޓާއި އެސްކެލޭޓާ އިންޑަސްޓްރީގެ ވިދުންގަދަ އެއް ނަމެވެ. ”މެޝިންރޫމްލެސް“ ލިފްޓް ދުނިޔެއަށް ތައާރަފު ކުރީ މި ބްރޭންޑުންނެވެ. މިކަން ވެގެން ދިޔައީ ލިފްޓް ޓެކްނޮލޮޖީއަށް އައި އިންގިލާބީ ބަދަލަކަށެވެ.

ގުޅުންހުރި
ކުއްލި ގޮތަކަށް މަރުވި ކޫބެއަކީ އިރަމްގެ ފިރިމީހާ، ކައިވެންޏަށް އަދި އަހަރެއް
ފުވައްމުލަކުގައި ކަރަންޓުގައި ޖެހިގެން ޒުވާނަކު މަރުވެއްޖެ
ނޫސްވެރިންނާ ބައްދަލުނުކުރައްވާތާ 515 ދުވަސް ފަހުން ރައީސް ނޫސްވެރިންނާ ބައްދަލުކުރައްވަނީ
ސިނގިރޭޓް މަނާކުރުމުގައި ގިނަ މީހުން ބޭނުންވި ގޮތާ ހިލާފަށް ނިންމީ އިހުތިރާމް
އެމްޑީޕީ އޮތީ އެކަތިގަނޑެއްގެ ގޮތުގައި، ދައުވާކޮށްގެން ފަހަތައް ނުޖެއްސޭނެ: ސޯލިހު
ކުޑަކުއްޖަކު ލައްވާ އޮރިޔާންކާޑު އުފެއްދި މީހަކު 20 އަހަރަށް ޖަލަށް