ތުރުކީވިލާތުން ރާއްޖެ ގެނައި އަސްކަރީ ޑްރޯންތައް ޓެސްޓުކުރަން ފަށައިފިއެވެ.
ނ. މާފަރުގެ މަތިން އެ ޑްރޯންތައް އުދުހޭ މަންޒަރު ފެންނަ ވީޑިއޯތަކެއް ވަނީ ސޯޝަލް މީޑިއާގައި އާންމުވެފައެވެ. ޑްރޯންތައް ޓެސްޓުކުރުމުގެ ކަންކަން ކުރިއަށް ގެންދިޔުމަށް އެމްއެންޑީއެފުގެ ޓީމެެއް ވަނީ މާފަރަށް ގޮސްފައެވެ.
އެ ޑްރޯންތަކަކީ ރައީސް ޑރ. މުހައްމަދު މުއިއްޒު، ތުރުކީއަށް ކުރެއްވި ދަތުރުފުޅުގެ ތެރެއިން އެގައުމުގެ ކުންފުންޏަކާއެކު ހެދި އެއްބަސްވުމެއްގެ ދަށުން ރާއްޖެ ގެނެސްފައިވާ ޑްރޯންތަކެކެވެ. އެ ޑްރޯންތައް އޮޕަރޭޓް ކުރުމަށް ހަމަޖެހިފައިވަނީ މާފަރު އެއާޕޯޓުންނެވެ.
ޑްރޯން ގަތުމަށް ތުރުކީގެ ކުންފުންޏާއެކު ހެދި އެއްބަސްވުން ސަރުކާރުން އާންމުކޮށްފައިނުވެއެވެ. އަދި އެކަމާ ގުޅޭ އެހެން މައުލޫމާތެއްވެސް ސަރުކާރުން އާންމުކޮށްފައެއް ނުވެއެވެ.
ރައީސް މުއިއްޒު، މީގެ ކުރިން ވިދާޅުވެފައިވަނީ އެ މަނިކުފާނުގެ އަމާޒަކީ، ރާއްޖޭގެ އިގްތިސޯދީ ހާއްސަ ސަރަހައްދު، އެމްއެންޑީއެފް ލައްވައި ޕެޓްރޯލްކޮށް ބެލެހެއްޓޭނެ ވަރަށް ވަރުގަދަކުރުން ކަމަށެވެ. އެ މަނިކުފާނު ވިދާޅުވެފައިވަނީ އެކަމަކީ ރާއްޖޭގެ މިނިވަންކަމާއި ސިޔާދަތު ދަމަހައްޓަން ކޮންމެހެން ވެސް ކުރަންޖެހޭ މުހިންމު ކަމެއް ކަމަށެވެ.
ގުޅުންހުރި
މަރާމާތަށްފަހު އާސަހަރާ މިސްކިތާއި ހިނަވާގެ ހުޅުވައިފި
އަންނަ އާދީއްތަ ދުވަހު ރައީސް، އިންޑިއާއަށް ވަޑައިގަންނަވަނީ
ގާސިމުގެ ތައުރީފު ރައީސަށް: ރާއްޖެއަކީ ބަސްބުނަން ކެރޭ ގައުމެއްކަން ސާބިތުކޮށްދީފި
އިންޑިއާ ކަނޑަށް ބާރު ފޯރުވަން ބޭނުންވާ ގައުމުތަކުން ފުރަތަމަ ކަޅި އަޅާނީ
ޔާމީން ޖަލަށް ލިޔަސް، ނުލިޔަސް ރައީސް މުއިއްޒަކަށް ދެވަނަ ދައުރެއް ނުލިބޭނެ:
އިއާދަކުރަނިވި ހަކަތައިގެ ދާއިރާއިން އިންވެސްޓް ކުރަން އެންމެ ރަނގަޅީ ރާއްޖޭގައި: ރައީސް