އެތެރޭގެ އެއާ އެމްބިއުލާންސް ދަތުރުތަކަށް ބޭނުންކުރަން އެކަމަށް ހާއްސަކޮށް ސީޕްލޭނެއް ތައްޔާރުކޮށް މާދަމާ ހިދުމަތް ފަށަން ނިންމައިފި އެވެ.
ރައީސް ޑރ. މުހައްމަދު މުއިއްޒު ވަނީ އެއާ އެމްބިިއުލާންސްގެ ގޮތުގައި ބޭނުންކުރަން ހަމަޖައްސާފައިވާ ސީޕްލޭންގެ ފޮޓޯއެއް މިއަދު އެކްސްގައި ހިއްސާ ކުރައްވައިފަ އެވެ.
އެ ފޮޓޯއިން ފެންނަނީ މޯލްޑިވިއަން އިން މިހާރުވެސް ބޭނުން ކުރަމުން އަންނަ ޓުވިން އޮޓޯގެ ފްލައިޓެއް، އެއާ އެމްބިއުލާންސްގެ ގޮތުގައި ބޭނުން ކުރާ ޑޭސް-8 ގެ ބޯޓާ އެއްގޮތަށް ޑިޒައިން ކޮށްފައިވާ ތަނެކެވެ.
އެއާ އެމްބިއުލާންސްގެ ގޮތުގައި ސީޕްލޭނެއް ބޭނުންކުރަން ސަރުކާރުން ނިންމާފައިވާކަން ރައީސް ޑރ. މުހައްމަދު މުއިއްޒު އެންމެ ފުރަތަމަ އިއުލާނުކުރެއްވީ ޑިސެމްބަރު 29، ގަ އެވެ. އެ ހިދުމަތް ފެށީ މި މަހުގެ އެއްވަނަ ދުވަހު އެވެ.
ހެލްތު މިނިސްޓަރު އަބްދުﷲ ހަލީލް ހުސްވި ފެބްރުއަރީ މަހުގެ ތެރޭގައި ވިދާޅުވެފައިވާ ގޮތުން، ސީ ޕްލޭންގެ ހިދުމަތް ދޭނީ ދުވާލު ވަގުތު އެކަންޏެވެ. އަދި އޭގައި އުފުލޭނީ އެންމެ މީހެކެވެ. ނަމަވެސް ޑިމާންޑަށް ބަލައި ސްޓްރެޗާ އިތުރު ކުރާނެ ކަމަށް ވިދާޅުވި އެވެ.
ގުޅުންހުރި
ހައިވޭގައި ހިނގި އެކްސިޑެންޓެއްގައި ދެ މީހަކަށް އަނިޔާވެގެން ފަރުވާދެނީ
އެމްޑީޕީގެ ކެންޑިޑޭޓުން ހޮވައިފިއްޔާ، ދެންވެސް ކުރާނީ ޖެއްސުން: ނައިބު ރައީސް
ބަންޑާރަ މިސްކިތް ތަޅާލުމާ ދެކޮޅަށް އަޑުއުފުލަނީ، މިނިސްޓަރު ވިދާޅުވަނީ ބޮޑުކުރަންޖެހޭ ކަމަށް
ތައިލެންޑުގައި ޖަލު ބަންދުގައި ހުރި ދިވެއްސަކު މަރުވެއްޖެ
ސުވަރުގެ އެދޭ ނަމަ، ފަހު ދިހައިގެ ރޭތަކުގެ މާތްކަމާއި ދަރުމައަށް މަސައްކަތްކުރޭ!
މައިމީހާގެ ފަރާތުން ދަރިފުޅަށް އެޗް.އައި.ވީ ފެތުރުން ހުއްޓުވި ފުރަތަމަ ގައުމަކަށް ޑެންމާކް