މި ރޯދަމަހު ކަރަންޓު ބޭނުން ކުރާވަރު 100 މެގަވޮޓުން މައްޗަށް ގޮސްފައިވާ ކަމަށް ސްޓެލްކޯ އިން ބުނެފި އެވެ.
ސްޓެލްކޯގެ މެނޭޖިން ޑިރެކްޓަރު ހުސެއިން ފަހުމީ އެކްސްގައި މިއަދު ކުރެއްވި ޕޯސްޓެއްގައި ވިދާޅުވީ މާލޭ ސަރަހައްދުގައި އެވެރްޖް މަހެއްގައި ބޭނުންކުރާ ކަރަންޓަކީ 94 މެގަވޮޓް ކަމަށެވެ.
ނަމަވެސް މި ދުވަސްވަރަކީ މި އަހަރު ރާއްޖެއަށް އެންމެ ހޫނު ގަދަވާނެ ދުވަސްވަރުކަމަށް މޫސުމާބެހޭ ގައުމީ އިދާރާއިން ލަފާކޮށްފައިވާއިރު، މި ދުވަސްވަރު ކަރަންޓު ބޭނުންކުރާ މިންވަރު 104.7 މެގޮވޮޓާ ހަމައަށް އިތުރުވެފައިވާ ކަމަށް ވިދާޅުވި އެވެ.
”އެހެންކަމުން ކަރަންޓަށް ކުރަންޖެހޭ ހޭދަ ވީހާވެސް ކުޑަ ކުރުމަށް، ކޮންމެހެން ބޭނުންވާ މިންވަރަށް ކަރަންޓު ބޭނުން ކުރެއްވުމަށާއި މި ދުވަސްވަރު ކަރަންޓު އިގުތިސާދު ކުރެއްވުމަށް ހާއްސަ ސަމާލުކަމެއް ދެއްވުމަށް އިލްތިމާސް ކުރަން،“ ފަހުމީ ވިދާޅުވި އެވެ.
ކޮންމެ އަހަރެއްގެވެސް ރޯދަ މަހުގައި ކަރަންޓު ބޭނުންކުރާ މިންވަރު އިތުރުވާތީ، ރައީސް ޑރ. މުހައްމަދު މުއިއްޒު ވަނީ ރޯދަ މަހުގައި ކަރަންޓު ބިލް ވަކި ވަރަކަށްވުރެ ބޮޑުނުވާ ގޮތަށް ހެދުމުގެ މަސައްކަތް ކުރައްވާނެ ކަމަށް ވިދާޅުވެފަ އެވެ. ނަމަވެސް ފަހުން އެ މަސައްކަތާ ގުޅޭ އެއްވެސް މައުލޫމާތެއް ސަރުކާރުން ހިއްސާއެއް ނުކުރެ އެވެ.
![](https://haftha.mv/wp-content/uploads/2024/04/Scam-call-ad-MMA.jpg)
![](https://haftha.mv/wp-content/uploads/2024/04/Scam-call-ad-MMA.jpg)
ގުޅުންހުރި
ސްޓެލްކޯ އިންޖީނުގެތަކުގެ މެނޭޖަރުންނަށް ބޭއްވި މަހާސިންތާ ނިންމާލައިފި
ދިއްފުށީގައި ހަދާނީ އެންމެ ޒަމާނީ އިންޖީނުގެއެއް، ބުރޫނާރައި މަސައްކަތް ކުރިއަށްދާނެ: ފަހުމީ
ފަލަސްތީން ޓެލެތޯން އަށް ސްޓެލްކޯ އިން ބައި މިލިއަން ރުފިޔާ ހަދިޔާކޮށްފި
ސްޓެލްކޯއިން 500،000 ގަސް އިންދުމުގެ ޕްރޮގްރާމެއް ފަށައިފި
ކަރަންޓު ބިލްތަކާ ގުޅޭގޮތުން 6،00 އަށްވުރެ ގިނަ ޝަކުވާ ހުށަހަޅައިފި: ސްޓެލްކޯ
ކޮޅިގަނޑެއްގައި ޖެހުނު ކުދީންތަކެއް ސަލާމަތް ކޮށްދިން ސްޓެލްކޯ މުވައްޒަފުންނަށް ސާބަސް!