މިއަންނަ އެޕްރީލް މަހު ބާއްވާ ރައްޔިތުންގެ މަޖިލީހުގައި އިންތިހާބުގައި ވޯޓު ލެވޭ މީހުންގެ ދާއިމީ ލިސްޓު އިލެކްޝަންސް ކޮމިޝަން (އީސީ)ން އާންމުކޮށްފިއެވެ.
އީސީން ގެޒެޓުގައި އާންމުކުރި އެ ލިސްޓުގައިވާ ގޮތުން 284،663 މީހުންނަށް ވޯޓު ލުމުގެ ހައްގު ލިބިގެންވެއެވެ. އޭގެ ތެރޭގައި ހިމެނެނީ 139،361 އަންހެނުންނާއި 14،5302 ފިރިހެނުންނެވެ.
މަޖިލިސް އިންތިހާބުގައި 369 ކެންޑިޑޭޓުން 93 ދާއިރާއަކަށް ވާދަ ކުރާނެއެވެ. އަދި މަޖިލިސް އިންތިހާބުގައި ވޯޓު ލުމަށް 602 ވޯޓު ފޮށި ބަހައްޓާނެއެވެ.
އީސީން އެންމެ ފުރަތަމަ ނިންމީ މިމަހުގެ 17 ގައި އިންތިހާބު ބޭއްވުމަށެވެ. ނަމަވެސް ރައްޔިތުން މަޖިލީހުން އިންތިހާބުތަކާބެހޭ އާންމު ގާނޫނަށް އިސްލާހު ގެނެސްވަނީ ރޯދަ މަހު އެއްވެސް އިންތިހާބެއް ނުބޭއްވޭ ގޮތް ހަދައިފައެެވެ.
އެހެންވެ އީސީން ނިންމާފައިވަނީ މިއަންނަ އެޕްރީލް މަހުގެ 21 ވަނަ ދުވަހު އިންތިހާބު ބޭއްވުމަށެވެ.
ގުޅުންހުރި
ފޭދޫން ވަކި ކައުންސިލެއް ބޭނުމެއް ނުވި، ހުޅުދޫ އާއި މީދޫން ބޭނުންވޭ
އައްޑޫގައި ވަކިވަކި ކައުންސިލްތައް ހެދުމާ ގުޅޭ ވޯޓު: އަދި ފެންނަނީ ފޯރިއެއް
އައްޑޫ ސިޓީގައި ވަކިވަކި ކައުންސިލުތަކެއް ހެދުމާ ގުޅޭ ވޯޓުލުން ކުރިއަށް
މީޑިއާ ކޮމިޝަނަށް މަޖިލީހުން ހޮވާ ތިން މެންބަރުން އައްޔަންކޮށްފި
ސަރުކާރުން އެޗްޑީސީއަށް ދިހަ ބިލިއަން ރުފިޔާ ދައްކަންޖެހޭ
ދިވެހިންނާ ކައިވެނިކޮށްގެން އުޅޭ ބިދޭސީންނަށް އާސަންދަ ނުލިބޭތީ މަޖިލީހަށް ގަރާރެއް