ސީރިއާގެ ދަމަސްކަސްގައި ހުންނަ އީރާންގެ ކޮންސިއުލޭޓަށް އިޒްރޭލުން ދިން ވައިގެ ހަމަލާއެއްގައި އީރާންގެ އީރާނުގެ އިސްލާމިކް ރިވޮލޫޝަނަރީ ގާޑްސް ކޯ (އައިއާރްޖީސީ)ގެ އިސް ދެ ކޮމާންޑަރަކު މަރާލައިފި އެވެ.
އިޒްރޭލުން އިއްޔެ ދިން އެ ހަމަލާއިން ސަލާމަތްވި އީރާންގެ އެމްބެސެޑަރު ހުސެއިން އަކްބަރީ ވިދާޅުވި ގޮތުގައި އެ ހަމަލާގައި ފަސް މީހަކު މަރުވި ކަމަށެވެ. އޭގެ ތެރޭގައި އަސްކަރީ ތިން ބޭކަލުން ހިމެނޭ ކަމަށްވެސް ވިދާޅުވި އެވެ.

އައިއާރްޖީސީން ނެރުނު ބަޔާނެއްގައި ބުނީ، އިޒްރޭލުން ދިން ހަމަލާގައި އެ ކޯގެ އެލީޓް ގުދުސް ފޯސްގެ ސީނިއާ ކޮމާންޑަރު ބްރިގޭޑިއާ ޖެނެރަލް މުހައްމަދު ރެޒާ ޒަހެދީ އާއި އޭނާގެ ޑެޕިއުޓީ މުހައްމަދު ހާދީ ހަޖްރިއަހީމީ ހިމެނޭހެން އެ ކޯގެ ހަތް މެންބަރަކު މަރުވެފައިވާ ކަަމަށެވެ.
ހަމަލާއާ ގުޅިގެން އީރާންގެ ފޮރިން މިނިސްޓްރީގެ ތަރުޖަމާން ނާސިރު ކަނާނީ ނެރުނު ނޫސް ބަޔާނެއްގައި ބުނީ، ހަމަލާގެ ބަދަލު ދިނުމުގެ ހައްގު އީރާނަށް ލިބިދޭ ކަމަށާއި ބަދަލާއި އަދަބު ދޭނެ ގޮތެއް ނިންމާނެ ކަމަށެވެ.
އެ ހަމަލާއަކީ ޓެރަރިސްޓް ހަމަލާއެއް ކަމަށް ސީރިއާގެ ފޮރިން މިނިސްޓްރީން ބުނެފައިވާއިރު ރަޝިއާ އިން ވަނީ އިޒްރޭލުގެ އެ ހަމަލާ ބަލައިނުގަނެވޭނެ ކަމަށް ބުނެފަ އެވެ.

ގުޅުންހުރި
ސްޓެލްކޯގެ އިންޖިނިއަރުންނަށް ރަތް ދޫލައިގެ މަރުހަބާއެއް ކިޔައި ހާއްސަ ހަފުލާއެއް
ބަނގުރަލުގެ ވިިޔަފާރި ކުރިކަމަށް ތުހުމަތު ކުރެވޭ 3 މީހުން ޑީޕޯޓް ކުރަނީ
މަޝްވަރާނުކޮށް މީޑިއާ ކޮމިޝަން ބިލް ހުށަހެޅުމުން ބްރޯޑްކޮމްއިން ކަންބޮޑުވުން ފާޅުކޮށްފި
ޝީ ޖިންޕިންއާ ރައީސް ބައްދަލުކުރައްވައިފި، މަޝްވަރާކުރީ ގުޅުން ހަރުދަނާކުރަން
ހިތުގެ ހާއްސަ ޑޮކްޓަރަކު ހިތް ހުއްޓިގެން މަރުވެއްޖެ
ކުޑަ ކުއްޖަކު ރޭޕްކުރި ދެ ފިރިހެނަކަށް 7 އަހަރު ފަހުން ހުކުމްކޮށްފި