ހުޅުމާލޭ ފޭސް 3 އިން އަދި ހިއްކުނީ 15 ހެކްޓަރު، އެއީ ހިއްކަންޖެހޭ ބިމުގެ 24 ޕަސެންޓް!

ހުޅުމާލޭގެ ފޭސް ތިނަކުން 15 ހެކްޓަރުގެ ބިން ހިއްކާފައިވާ ކަމަށް ހައުސިން ޑިވެލޮޕްމެންޓް ކޯޕަރޭޝަން (އެޗްޑީސީ) އިން ބުނެފި އެވެ.

ހުޅުމާލޭ ފޭސް ތިނެއްގެ ގޮތުގައި ޖުމުލަ 63 ހެކްޓަރު ހިއްކަން ނިންމާފައިވާއިރު، ބިން ހިއްކުމުގެ މަސައްކަތް ކުރިއަށް ގެންދަނީ ދެ ބަޔަކަށް ބަހާލައިގެންނެވެ.

އެޗްޑީސީން ބުނި ގޮތުގައި، ފުރަތަމަ ބައިގޮތުގައި ހިއްކަން ކަނޑައެޅި 10 ހެކްޓަރުގެ ބިން މިހާރު ވަނީ ހިއްކާ ނިމިފަ އެވެ. އަދި ދެވަނަ ބައިގެ ވެސް 5 ހެކްޓަރުގެ ބިން ހިއްކާފައިވާއިރު، މިހާރު ކުރިއަށް ދަނީ ދެވަނަ ބައިގެ ނުނިމި އޮތްބައި ހިއްކުމުގެ މަސައްކަތް ކަމަށް ބުންޏެވެ.

އެ ސަރަހައްދުގެ ހިއްކުމުގެ މަސައްކަތް ކުރަމުންދާތީ އެ ސަރަހައްދުގައި އަޅާފައިވާ ދޯނިތައް ނަގައިދިނުމަށް އެ ކުންފުނިން ވަނީ އެދިފަ އެވެ. އަދި އެ ދޯނިތައް އެ ސަރަހައްދުން ބޭރުގައި އެޅުމުގެ ފުރުސަތު އުޅަނދުގެ ވެރިންނަށް ފަހިކޮށްދީފައިވާނެ ކަމަށްވެސް ބުންޏެވެ.