ކުރިން ނިންމާފައިވާ 15 ހެކްޓަރުގެ ބަދަލުގައި ލ. މާވަށުން 30 ހެކްޓަރުގެ ބިން ހިއްކައިދެއްވާނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެއެވެ.
ރައީސް މުއިއްޒު، ލ. އަތޮޅަށް މިހާރު ކުރައްވާ ދަތުރުފުޅުގެެ ތެރެއިން މިއަދު އެ އަތޮޅު މާވަށަށް ވަޑައިގެން ވިދާޅުވީ ރައްޔިތުންނަށް ދިމާވެފައިވާ އެންމެ ބޮޑު މައްސަލައަކީ ބޯހިޔާވަހިކަމުގެ މައްސަލަ ކަމަށެވެ. ނަމަވެސް ރަށްރަށުގައި ބޯޯހިޔާވަހިކަމުގެ މަޝްރޫއު ކުރިއަށް ގެންދޭނެހޭ ބިމުގެ ޖާގައެއް ނެތް ކަމަށެވެ. އެހެންކަމުން ބިން ހިއްކަން ޖެހޭނެކަމަށް އެ މަނިކުފާނު ވިދާޅުވިއެވެ.
”ތިބޭފުޅުންނަށް އޮތީ ކުރިން 15 ވަރަކަށް ހެކްޓަރުގެ މަޝްރޫއެއް. އަޅުގަނޑު ގަސްތުކުރަނީ އަދި ރައްޔިތުންވެސް ބޭނުންވަނީ އެވަރެއް ނޫން. އެހެންވީމަ އެއަށްވުރެ އިތުރުކުރަން. އަޅުގަނޑު ދަންނަވާލަން ބޭނުންވަނީ 15 ހެކްޓަރެއް ނޫނޭ 30 ހެކްޓަރުގެ ބިން ހިއްކުމުގެ މަޝްރޫއެއް ކުރިއަށް ގެންގޮސްދޭނަން،،“ ރައީސް ވިދާޅުވިއެވެ.
އެ މަނިކުފާނު ވިދާޅުވީ މާވަށުގެ ތަރައްގީއަށް ކުރަން ޖެހިފައިވާ ކަންކަން ސަރުކާރުން ކުރިިއަށް ގެންދާނެ ކަމަށެވެ. އެގޮތުން 30 ހެކްޓަރުގެ ބިން ހިއްކައި ނިމުމުން، މާވަށަށް ދިމާވެފައިވާ ބިމުގެ ދަތިކަމަށް ހައްލުލިބި، ރަށުގައި ބޯހިޔާވަހިކަމުގެ މަޝްރޫއެއް ކުރިއަށް ގެންދެވޭނެ ކަމަށެވެ.
އަދި ވިދާޅުވީ މާވަށު ބިން ހިއްކުމުގެ މަޝްރޫއު ވަރަށް އަވަހަށް ފެށިގެންދާނެ ކަމަށެވެ.
ގުޅުންހުރި
މަރާމާތަށްފަހު އާސަހަރާ މިސްކިތާއި ހިނަވާގެ ހުޅުވައިފި
އަންނަ އާދީއްތަ ދުވަހު ރައީސް، އިންޑިއާއަށް ވަޑައިގަންނަވަނީ
ގާސިމުގެ ތައުރީފު ރައީސަށް: ރާއްޖެއަކީ ބަސްބުނަން ކެރޭ ގައުމެއްކަން ސާބިތުކޮށްދީފި
އިންޑިއާ ކަނޑަށް ބާރު ފޯރުވަން ބޭނުންވާ ގައުމުތަކުން ފުރަތަމަ ކަޅި އަޅާނީ
ޔާމީން ޖަލަށް ލިޔަސް، ނުލިޔަސް ރައީސް މުއިއްޒަކަށް ދެވަނަ ދައުރެއް ނުލިބޭނެ:
އިއާދަކުރަނިވި ހަކަތައިގެ ދާއިރާއިން އިންވެސްޓް ކުރަން އެންމެ ރަނގަޅީ ރާއްޖޭގައި: ރައީސް