އެގްރިކަލްޗާ އެންޑް އެނިމަލް ވެލްފެއާ މިނިސްޓްރީގައި މިނިސްޓަރާއެކު ޖުމުލަ 29 ބޭފުޅަކު ސިޔާސީ މަގާމުތަކަށް އައްޔަން ކޮށްފައިވާކަން ހާމަވެއްޖެ އެވެ.
އެކަން ހާމަވީ، މައުލޫމާތު ހޯދައި ލިބިގަތުމުގެ ހައްގުގެ ގާނޫނުގެ ދަށުން އެގްރިކަލްޗާ މިނިސްޓްރީގެ މުވައްޒަފުންގެ މުސާރަ ހޯދަން އައިމަން ލަތީފް ނަމަކަށް ކިޔާ މީހަކު އެ މިނިސްޓްރީގައި އެދުމުން ފޮނުވި ޖަވާބުންނެވެ.
އެގްރިކަލްޗާ މިނިސްޓްރީން ދިން ޖަވާބުން އެނގޭ ގޮތުގައި މިނިސްޓަރު ޑރ. އައިޝަތް ރަމީލާއަށް މުސާރަ އާއި އިނާޔަތުގެ ގޮތުގައި 56،025 ރުފިޔާ ލިބިވަޑައިގަންނަވަ އެވެ. އެއީ ކެބިނެޓުގައި ހިމެނިވަޑައިގަންނަވާ އެހެން މިނިސްޓަރުންނަށްވުރެ ދަށް މުސާރައެކެވެ.
ސިޔާސީ މަގާމުތަކުގެ އަދަދާއި މުސާރައަށް މަހަކު ކުރާ ހޭދަ:
- 2 ސްޓޭޓް މިނިސްޓަރުންނަށް މަހަކު: 81،870 ރުފިޔާ
- 5 ޑެޕިއުޓީ މިނިސްޓަރުންނަށް މަހަކު: 151،200 ރުފިޔާ
- 14 ސީނިއާ ޕޮލިޓިކަލް ޑިރެކްޓަރުންނަށް މަހަކު: 342،300 ރުފިޔާ
- 7 ޕޮލިޓިކަލް ޑިރެކްޓަރުންނަށް މަހަކު: 138،110 ރުފިޔާ
އެހެންކަމުން ފެމިލީ މިނިސްޓްރީގައި ތިއްބަވާ 29 ސިޔާސީ ބޭފުޅުންގެ މުސާރައަށް މަހަކު ޖުމުލަ 769،505 ރުފިޔާ ހަރަދުވެ އެވެ. އެއީ އެ މިނިސްޓްރީން މުސާރައަށް ކޮންމެ މަހަކު ހޭދަވާ 1،464،177 ރުފިޔާގެ 53 ޕަސެންޓެވެ.
ގުޅުންހުރި
ރާއްޖެ އާއި އިންޑިއާގެ ދެމެދު ރުޕީސް އާއި ރުފިޔާ އިން މުއާމަލާތް
އެސްޓީއޯ އިން ބިނާކުރި އެލައިޑް، މާކެޓުގައި މިއަދު އެންމެ ބޮޑު ހިއްސާ
ލޯބިވާ މީހުން ދޫކޮށް މަރުވެ ދާންޖެހޭނަކަމީ ދުންޔަވީ ހަގީގަތެވެ. އެކަމަކު އާހިރަތް
މެންބަރުކަން ގެއްލުވާލުމުގެ ބާރު ސިޔާސީ ޕާޓީއަށް ދިނުމުން ރައްޔިތުންގެ ބާރު ގެއްލޭ:
ސްޓެލްކޯގެ ފުރިހަމަ މަސައްކަތެއް؛ އިސްލާމީ މަރުކަޒުގެ މަސްފެންގަނޑު މަރާމާތުކޮށް ރީތިކޮށްލައިފި
އައިކޮމްގެ އަޑުއެހުމަށް ހާޒިރުނުވުމުން ހައުސިން މިނިސްޓްރީ ޖޫރިމަނާކޮށްފި