ފުލުހުންނަށް އިންޒާރުދިން ކުޑަކުއްޖަކަށް ނަސޭހަތް ދިނުމަށްފަހު ބެލެނިވެރިޔާއާ ހަވާލުކޮށްފިއެވެ. ބެލެނިވެރިޔާގެ ހާޒިރުގައި ނަސޭހަތް ދިނުމަށްފަހު ދޫކޮށްލައިފި އެވެ.
އެ ކުއްޖާ ފުލުހުންނަށް އިންޒާރުދޭ މަންޒަރާއި އަޑު ފެންނަ ވީޑިއޯއެއް އެމްވީކްރައިސިސްއިން މިއަދު ވަނީ އާންމުކޮށްފައެވެ.
އެ ވީޑިއޯއާ ގުޅިގެން ފުލުހުންގެ ތަރުޖަމާނު ޗީފް ސްޕްރިންޓެންޑެންޓް އޮފް ޕޮލިސް އަހުމަދު ޝިފާން އެކްސްގައި މިރޭ ކުރެއްވި ޕޯސްޓެއްގައި ވިދާޅުވީ އެއީ ކ. ގުރައިދޫގައި ހިނގި ހާދިސާއެއް ކަމަށެވެ. ފުލުހުން އެ ކުއްޖާ ހުއްޓުވީ މައުލޫމާތު ސާފުކުރަން ކަމަށާއި ނަމަވެސް އެ ކުއްޖާ ފުލުހުންނަށް އިންޒާރު ދީފައިވާ ކަމަށެވެ.
އެއީ 17 އަހަރުގެ ކުއްޖެއް ކަމަށް ޝިފާން ވިދާޅުވި އެވެ.
”އެހެންކަމުން އެ ކުއްޖާ ޕޮލިސް ސްޓޭޝަނަށް ގެންގޮސް ބެލެނިވެރިންގެ ހާޒިރުގައި ކުއްޖާއަށް ނަސޭހަތްދީ އެ ކުއްޖާ ވަނީ ބެލެނިވެރިންނާ ހަވާލުކޮށްފައި“ ޝިފާން ވިދާޅުވި އެވެ.
ގުޅުންހުރި
އައްޑޫ ސިޓީ އާއި ހުޅުދޫ އަދި މީދޫގެ އިހްތިސާސަށް ބަދަލު ގެނެސްފި
މަގުތަކުގައި ނަންބޯޑު ޖެހުމަށް 25 މިލިއަން ރުފިޔާއަށް ހަވާލުކުރި ކަމަށް ދެކެވޭ
މާވިން އިސްލާމްވެއްޖެ، އޭނާގެ އާ ނަމަކަށް ޔޫސުފް
ގޯއްޗާއި ފްލެޓަށް އެދި ހުށަހެޅުމުގެ މުއްދަތު އޭޕްރީލްގެ ނިޔަލަށް އިތުރުކޮށްފި
ރައީސް، މެދުހެންވޭރު ”ދޮރުންދޮރަށް“ ހަރަކާތަށް
ނުކުޅެދުންތެރިކަން ހުންނަ ކުދިންގެ ބެލެނިވެރިންނަށް ގޭގައި ތިބެގެން މަސައްކަތް ކުރެވޭ ގޮތަށް