ރާއްޖޭގައި އިންވެސްޓް ކުރަން އެމެރިކާގެ ވިޔަފާރިވެރިންނާ މަޝްވަރާކޮށްފި

ރާއްޖެއާއި އެމެރިކާއާ ދެމެދު އޮންނަ ވިޔަފާރީގެ ގުޅުން އިތުރަށް ކުރިއަރުވައި ފުޅާކުރުމަށް އެ ގައުމުގެ ވިޔަފާރިންނާއެކު ދިވެހި ސަރުކާރުން މަޝްވަރާކޮށްފި އެވެ

އެ މަޝްވަރާތައް ކޮށްފައިވަނީ އިކޮނޮމިކް މިނިސްޓަރު މުހައްމަދު ސައީދު އެމެރިކާއަށް މިހާރު ކުރައްވަމުން ގެންދަވާ ދަތުރުގައި އެމެރިކާގެ ޗެމްބާ އޮފް ކޮމާސް އިން އިންތިޒާމު ކޮށްގެން ކޯޕަރޭޓް ދާއިރާގެ މަންދޫބުންނާއެކު ބޭއްވި އިންވެސްޓްމަންޓް ރައުންޑް ޓޭބަލްގަ އެވެ.

ނަމަވެސް އެ ބައްދަލުވުމުގައި ބައިވެރިވީ ކިތައް ފަރާތްތަކުން ކަމެއް އަދި ބައްދަލުވުމެއް މާބޮޑު ތަފުސީލެއް އިކޮނޮމިކް މިނިސްޓްރީއަކުން ހިއްސާކޮށްފައެއް ނުވެ އެވެ.

މިނިސްޓަރު ސައީދުގެ އެމެރިކާއަށް ކުރައްވަމުން ގެންދަވާ ދަތުރަކީ ރާއްޖެއާއި އެމެރިކާއާ ދެމެދު އޮންނަ ވިޔަފާރިއާއި އިންވެސްޓްމަންޓުގެ ގުޅުން ފުޅާކުރުމަށް ކުރައްވާ ދަތުރެކެވެ.