މި ދުވަސްކޮޅަކީ ދަތި ދުވަސްކޮޅެއް ކަމަށާއި އެހެންކަމުން ތަންކޮޅެއް އާދައިގެ ދިރިއުޅުމަކަށް ރައްޔިތުން ތިރިވެލަންޖެހޭ ކަމަށް ރައީސް އޮފީހުގެ މިނިސްޓަރު އަލީ އާރިފް ވިދާޅުވެއްޖެ އެވެ.
ޕީއެންސީގެ ހަރުގޭގައި ރޭ ބޭއްވި ޖަލްސާގައި އާރިފް ވިދާޅުވީ ރާއްޖޭގެ މިނިވަންކަމާއި އިސްތިގުލާލު ދަމަހައްޓައި ރައްކާތެރިކުރުމަށްޓަކާ ވެސް ހަރަދު ކުޑަކުރުމުގެ ފިޔަވަޅުތައް އަޅަންޖެހޭ ކަމަށެވެ. އަދި މި ހާލަތުން އަރައިގަތުމަށްޓަކާ މި ސަރުކާރަށް ފައިސާ ޗާޕު ކުރެވިދާނެ ކަމަށާއި ނަމަވެސް އެއީ ޒިންމާދާރު ވެރިން ކުރާނެ ކަމެއް ނޫން ކަމަށް ވިދާޅުވި އެވެ.
އާރިފް ވިދާޅުވީ، އިހުލާސްތެރި ވެރިންނަކީ އުނދަގޫވި ނަމަވެސް އަޅަންޖެހޭ ފިޔަވަޅުތައް އޭރަކު އަޅަން ކެރޭ ބޭފުޅުން ކަމަށާއި ރައީސް ޑރ. މުހައްމަދު މުއިއްޒަކީ އެފަދަ ބޭފުޅެއް ކަމަށެވެ. އަދި ރާއްޖެއަށް މިއީ ދަތި ދުވަސްކޮޅެއް ނަމަވެސް ރާއްޖެ ބަނގުރޫޓެއް ނުވާނެ ކަމަށްވެސް ވިދާޅުވި އެވެ.
”މި ދުވަސްކޮޅު މި ޖެހެނީ އެއްކަލަ އަބަދު ޓޭކްއަވޭ ހަދައިގެން ގޭގައި ކެއި ކެއުން ހުއްޓާލާފައި، ކޮންމެވެސް ވަރަކަށް ގޭތެރޭގައި އަމިއްލަ އަށް ގަރުދިޔަ އާއި ބަތާއި ކައްކައިގެން ކާލައިގެން، ތަންކޮޅެއް އާދައިގެ ދިރިއުޅުމަކަށް ތިރިވެލުން،“ އާރިފް ވިދާޅުވި އެވެ.
ރޭގެ ޖަލްސާގައި އާރިފް ވަނީ މާލީ ހާލަތާއި ގުޅިގެން ދުވަސްވީ މީހުންނަށްދޭ އިނާޔަތްތަކާއި ކިޔަވާ ކުދިންނަނަށް ދޭ އިނާޔަތްތަކާއި އެކަނިވެރި މައިންނަށް ދޭ އިނާޔަތްތައް ސަރުކާރުން ކަނޑާނުލާނެކަމުގެ ޔަގީންކަންވެސް ދީފަ އެވެ.
ގުޅުންހުރި
ޓެކްސީ ސެންޓަރެއްގައި ރަޖިސްޓްރީ ނުވެ، ޓެކްސީ ލައިސަންސް ނުލިބޭ ގޮތަށް ހަދައިފި
މާލޭގެ މަގުތަކަށް ދޫކޮށްލާފައި ހުރި ބާ ވެހިކަލްތައް އަނެއްކާވެސް ނަގަން ފަށައިފި
އިންޓަޕޯލްގެ ރެޑް ނޯޓިސް ނެރެގެން ހޯދި ތިން މީހަކު ހައްޔަރުކޮށްފި
ރައީސް އެމެރިކާއަށް ފުރާވަޑައިގެންފި
ރާއްޖެއަށް އެންމެ މަންފާ ހުރި ގޮތަކީ އެހެން ގައުމުތަކާ ގުޅިގެން މަސައްކަތްކުރުން:
މުޅި ރާއްޖޭގެ ތަރައްގީގެ ތަސައްވަރެއް އަދިވެސް އޮތީ އެމްޑީޕީގައި: ޝާހިދު