ފެނަކަ ކޯޕަރޭޝަން ލިމިޓެޑްގެ ކުރީގެ މެނޭޖިން ޑިރެކްޓަރު (އެމްޑީ) އަހުމަދު ސައީދު މުހައްމަދުގެ މައްޗަށް ތުހުމަތު ކުރެވޭ ބޮޑު ހަ މައްސަލައެއް ބަލަމުންގެންދާ ކަމަށް އެންޓި ކޮރަޕްޝަން ކޮމިޝަން (އޭސީސީ) އިން ބުނެފި އެވެ.
އޭސީސީގެ ރައީސް އާދަމް ޝާމިލް އެކަން ހާމަކުރެއްވީ ރައްޔިތުންގެ މަޖިލީހުގެ ސްޓޭޓް އޯންޑް އެންޓަޕްރައިޒަސް (އެސްއޯއީ) ކޮމިޓީގެ މިއަދުގެ ބައްދަލުވުގައި މެންބަރުން ކުރެއްވި ސުވާލުތަކަށް ޖަވާބު ދެއްވަމުންނެވެ. ނަމަވެސް އެ މައްސަލަތަކުގެ ތަފުސީލެއް ނުދެއްވަ އެވެ.
ޝާމިލް ވިދާޅުވީ، މިހާރު އޮތް ފެނަކަ ކޯޕަރޭޝަންގެ މެނޭޖުމަންޓުގެ ފަރާތުން އެ ކުންފުނީގެ ކުރީގެ މެނޭޖުމަންޓާ ގުޅޭ 25 މައްސަލައެއް އޭސީސީއަށް ހުށަހަޅާފައިވާ ކަމަށެވެ. އަދި އާދަޔާހިލާފަށް ފެނަކައިގެ މައްސަލަތައް ހުށަހަޅާފައިވާތީ އެ މައްސަލަތަކަށް ހާއްސަ ސަމާލުކަމެއް ދީގެން ބަލަމުން އަންނަ ކަމަށްވެސް ވިދާޅުވި އެވެ.
އޭނާ އިތުރަށް ވިދާޅުވީ، ކުންފުނިތަކާ ގުޅޭ ގޮތުން ހުށަހަޅާ ޝަކުވާތަކާއި މައްސަލަތައް ތަހުގީގުކުރާއިރު، ކުންފުނިތަކުގެ މުވައްޒަފުން ބަޔާންދޭން ދެކޮޅު ހަދާ ކަމަށާއި އެއީ ބޮޑު ގޮންޖެހުމެއް ކަމަށެވެ. ނަމަވެސް ކުންފުނިތަކުގެ މެނޭޖުމަންޓުން ބަދަލުވުމަށްފަހު މުވައްޒަފުން ބަޔާންދޭން ބޭނުންވާ ކަމަށް ވިދާޅުވި އެވެ.
ގުޅުންހުރި
ފެނަކަ ޑީއެމްޑީގެ މަގާމުން ވަކިކުރި ނާއިފް ވެމްކޯގެ ޑީއެމްޑީ ކަމަށް
ފެނަކަ އަސްލު ސައިޒަށް ކުޑަކުރާނަން، ފައިދާވާ ކުންފުންޏަކަށް ހެދޭނެ: އެސްޓީއޯ
ޕީސީއާރު ޓެސްޓުގެ މައްސާލަގައި ކުޑަބަންދޭއާއި ލަތީފަށް ދައުވާ ކުރަން އެދިއްޖެ
ބީއެމްއެލްއަށް ރައްޔިތުންގެ އިތުބާރު ނެތް ތަނުގައި ސަރުކާރުގެ އިތުބާރެއް ވެސް ނެތް!
އެކައުންޓްތަކުން ފައިސާ ”ގެއްލޭ“ މައްސަލައިގައި ބީއެމްއެލްގެ ވެރިން މަޖިލީހަށް ހާޒިރުކުރަނީ
ކޮރަޕްޝަނުން ދައުލަތަށް ގެއްލިފައިވާ 1.5 ބިލިއަންގެ ތެރެއިން ހޯދުނީ އެންމެ 100