ހާޝިމް ވަކިކޮށް، އެ މަގާމަށް ކުރީގެ ފިނޭންސް މިނިސްޓަރު މުނައްވަރު އައްޔަންކުރަނީ

މަރުކަޒީ ބޭންކް، އެމްއެމްއޭގެ ގަވަރުނަރު އަލީ ހާޝިމް އެ މަގާމުން ވަކިކުރައްވައިފި އެވެ.

ރައީސް އޮފީހުން މިއަދު ބުނީ، ގަވަރުނަރުގެ މަގާމުން ހާޝިމް ވަކިކުރަން ރައީސަށް މަޝްވަރާ ދޭން ރައްޔިތުންގެ މަޖިލީހުން މިއަދު ފާސްކޮށްފައިވާތީ، އެ މަގާމުން ހާޝިމް މިއަދު ވަކިކުރައްވާފައިވާ ކަމަށެވެ.

އަދި އެމްއެމްއޭގެ ގަވަރުނަރުގެ މަގާމަށް އަހުމަދު މުނައްވަރު ހަމަޖެއްސެވުމާމެދު ރައީސް މުއިއްޒު މިއަދު ރައްޔިތުންގެ މަޖިލީހުގެ މަޝްވަރާއަކަށް އެދިވަޑައިގެން އެ މަޖިލީހަށް ހުށަހަޅުއްވާފައިވާ ކަމަށްވެސް ރައީސް އޮފީހުން ބުންޏެވެ.

މުނައްވަރަކީ ކުރީގެ ރައީސް އަބްދުﷲ ޔާމީންގެ ވެރިކަމުގައި ފިނޭންސް މިނިސްޓަރެވެ. އޭނާ މިހާރު ހުންނެވީ ފިނޭންސް މިނިސްޓަރުގެ އެޑްވައިޒަރުގެ މަގާމުގަ އެވެ.