ދައުލަތުގެ ހަރަދުތައް ކުޑަކުރުމުގެ ގޮތުން ސްކޫލްތަކުގައި ބާއްވާ ޖަލްސާތަކުގައި އަގުބޮޑު މާބޮނޑި ބޭނުން ނުކުރުމަށާއި ކެއުމާއި ސައި އިންތިޒާމު ނުކުރާން އެޑިއުކޭޝަން މިނިސްޓްރީން ސްކޫލުތަކަށް އަންގައިފި އެވެ.
އެޑިއުކޭޝަން މިނިސްޓްރީން މިއަދު ސްކޫލްތަކަށް ފޮނުވި ސާކިއުލާއެއްގައި ބުނީ ދައުލަތުގެ ފައިސާ އިސްރާފުނުވާނެ ގޮތަކަށް ކަންކަތައް ކުރުމަށް ރައީސް ޑރ. މުހައްމަދު މުއިއްޒު ލަފާފުޅު ދެއްވާފައިވާތީ މިނިސްޓްރީގެ ބެލުމުގެ ދަށުގައި ހުރި ތަންތަނުގެ ހަރަދުތައް ކުޑަކުރުމުގެ ގޮތުން ފިޔަވަޅުތަކެއް އަޅަން ނިންމާފައިވާ ކަމަށެވެ.
އެގޮތުން ސްކޫލްތަކުން އެކި މުނާސަބަތުތަކާއި ހަފުލާތަކުގައި އަގުބޮޑު މާބޮނޑި ބޭނުން ނުކުރުމަށާއި ކެއުމާއި ސައި ނުބޭއްވުމަށާއި ދެ ގަޑިއިރަށްވުރެ ކުރު ބައްދަލުވުންތަކުގައި ނުވަތަ ޖަލްސާތަކުގައި ސައި، ކޮފީ އަދި ފިނި ބުއިން އިންތިޒާމު ނުކުރަން އަންގާފައިވެ އެވެ.
އޭގެ އިތުރުން ސްކޫލްތަކުން ބާއްވާ އަހަރީ އިނާމު ދިނުމުގެ ޖަލްސާ ވީހާވެސް ހަރަދުކުޑަކޮށް ބޭއްވުމަށާއި އެފަދަ ޖަލްސާތައް ބޭއްވުމަށް މިނިސްޓްރީގެ ހުއްދަ ހޯދަން އަންގާފައިވާއިރު ސްކޫލްތަކުން ދަތުރު ކުރުމުގައި ހަރަދު ކުޑަކުރުމަށާއި ދައުލަތުގެ ބަޖެޓުން ކުރާ ދަތުރުތަކަށް މިނިސްޓްރީގެ މާލީ ޒިންމާދާރުވެރިޔާގެ ހުއްދަ ނަގަން ވަނީ އަންގައިފަ އެވެ.
މިނިސްޓްރީގެ ސާކިއުލާގައި އަޅަން ބުނެފައިވާ އިތުރު ފިޔަވަޅުތަކުގެ ތެރޭގައި ސްކޫލްތަކާއި ކްލާސްރޫމްތަކުގެ އޭސީ 25 ޑިގްރީއަށްވުރެ ދަށް ނުކުރުމަށާއި ރަސްމީ ގަޑި ނިމުމުން އޭސީތައް ނިއްވާލުމަށް އަންގާފައިވެ އެވެ. އަދި ކްލާސްރޫމްތައް ބޭނުންނުކުރާ ވަގުތުތަކުގައި ބޮކިތައް ނިއްވާފައި ބެހެއްޓުމަށާއި މަތީ ކަރަންޓު ނަގާ ބޮކިތައް ކޮންމެހެން ދިއްލަން ޖެހިއްޖެ ހާލަތެއްގައި ނޫނީ ނުދިއްލުމަށާއި ޗާޕުކުރަންޖެހޭ ލިޔުންތައް ވީހާވެސް މަދުކޮށް، ގަނޑުގެ ދެ ފުށަށް ޗާޕުކުރަން ވެސް އަންގާފައިވެ އެވެ.
ސާކިއުލާގައި މިނިސްޓްރީން ވަނީ މާލޭގައި ހިންގަމުން އަންނަ މިނިސްޓްރީއާއި މިނިސްޓްރީގެ ޑިޕާޓްމެންޓްތައް އެންމެ ލަސްވެގެން ރަސްމީ ދުވަސްތަކުގެ 14:30 ގައި ބަންދުކުރަންވެސް އަންގައިފަ އެވެ.
ނަމަވެސް ރައްޔިތުންނަށް ކޮންމެހެން ހިދުމަތެއް ދިނުމަށް 14:30 ފަހުން އޮފީސް ހުޅުވާފައި ބަހައްޓަންޖެހޭ ނަމަ، އެއް ދުވަސް ކުރިން މަސައްކަތުގެ ތަފުސީލާއި އޮފީހުގައި މަޑުކުރާނެ މުވައްޒަފުންނާއި އޮފީސް ހުޅުވާފައި ބަހައްޓާނެ ވަގުތު ޕާމަނެންޓް ސެކްރެޓަރީ މެދުވެރިކޮށް ހޯދަންވާނެ ކަމަށްވެސް ބުނެފައިވެ އެވެ.
މީގެ އިތުރުން އެޑިއުކޭޝަނުން ވަނީ މާލެއާއި އަތޮޅުތަކުގެ ސްކޫލްތަކުގެ އިދާރީ އޮފީސް 14:30 ގައި އަދި ސްކޫލްތަކުތަކުގެ އެކަޑަމިކް އޮފީސް ސްކޫލުގައި ކިޔަވައިދޭ ދުވަހެއްގެ ފަހު ދަންފަޅި ނިމޭތާ 1 ގަޑިއިރު ފަހުން ބަންދުކުރަންވެސް އަންގައިފަ އެވެ.
އަދި މުވައްޒަފުން އާއިލާ އާއެކު ހޭދަކުރާ ވަގުތު ވީހާވެސް ގިނަކުރުމަށް ބާރު އެޅުމާއި އެކަމަށް ހިތްވަރު ދިނުމުގެ ގޮތުން ރަސްމީ ވަގުތުގައި (ދައުލަތުގެ ޕޭ- ފްރޭމްވޯކް ގައި ކަނޑައެޅިފައިވާ ރަސްމީ މަސައްކަތު ގަޑީގެ ވަގުތުގެ) ތެރޭގައި އެ ދުވަހަކަށް ކަނޑައެޅިފައިވާ މަސައްކަތްތައް ނިންމުމަށް ބާރުއަޅައި އެކަން އެގޮތަށް ހިނގަމުންދާކަން ކަށަވަރުކުރުން ސްކޫލްތަކަށް މިނިސްޓްރީން ވަނީ އަންގައިފަ އެވެ.
215 Comments
ގުޅުންހުރި
މެންބަރުކަން ގެއްލުވާލުމުގެ ބާރު ސިޔާސީ ޕާޓީއަށް ދިނުމުން ރައްޔިތުންގެ ބާރު ގެއްލޭ:
ސްޓެލްކޯގެ ފުރިހަމަ މަސައްކަތެއް؛ އިސްލާމީ މަރުކަޒުގެ މަސްފެންގަނޑު މަރާމާތުކޮށް ރީތިކޮށްލައިފި
އައިކޮމްގެ އަޑުއެހުމަށް ހާޒިރުނުވުމުން ހައުސިން މިނިސްޓްރީ ޖޫރިމަނާކޮށްފި
މަނާކުރަންވީ ފަލަސްތީނުގައި ގަތުލުއާންމު ހިންގާ މީހުންގެ ޕާސްޕޯޓް އެކަނި: ނާޒިމް
މަޖިލީހުގެ ގާނޫނީ ހައިސިއްޔަތާ މެދު ސުވާލު އުފެދިއްޖެ، ކޯޓަށް ދާން މަޝްވަރާކުރާނަން:
އިޒްރޭލު ޕާސްޕޯޓް މަނާކުރާ ބިލާ ގުޅޭ ގަރާރު ބޭރުކުރީ އެމްޑީޕީގެ ހެޔޮނިޔަތް