ރާއްޖޭގެ މަޝްހޫރު ވިޔަފާރިވެރިޔާ އަދި ރައީސް ޑރ. މުހައްމަދު މުއިއްޒުގެ އެޑްވައިޒަރު މުހައްމަދު އަލީ ޖަނާހް (ޖަނާ)ގެ ކުންފުނި، ހޮޓެލްސް އެންޑް ރިސޯޓް ކޮންސްޓްރަކްޝަން ޕްރައިވެޓް ލިމިޓެޑުން ބިދޭސީންގެ ފީގެ ގޮތުގައި ދައުލަތަށް 12 މިލިއަނަށްވުރެ ގިނަ ރުފިޔާ ނުދައްކާ އޮތްކަން ހާމަވެއްޖެ އެވެ.
އެކަން ހާމަވީ ރާއްޖޭގައި ވަޒީފާ އަދާކުރާ ބިދޭސީންގެ ވޯކްޕާމިޓާއި ކޯޓާ ފީ ނުދައްކާ ކުންފުނިތަކުގެ ލިސްޓު އިއްޔެ ހޯމް މިނިސްޓްރީން އާންމުކުރުމުންނެވެ. މިއީ ބިދޭސީންތައް ފީތައް ނުދައްކާ ކުންފުނިތަކުގެ ނަންތައް އާންމުކުރި ފުރަތަމަ ފަހަރެވެ.
އެ ލިސްޓުގައިވާ ގޮތުން ޖަނާގެ ހޮޓެލްސް އެންޑް ރިސޯޓް ކޮންސްޓްރަކްޝަން ކުންފުނިން މި މަހުގެ 23 ވަނަ ދުވަހުގެ ނިޔަލަށް ބިދޭސީންގެ ފީގެ ގޮތުގައި ދައުލަތަށް 12،569،150 ރުފިޔާ ނުވަތަ 12.5 މިލިއަން ރުފިޔާ ނުދައްކާ އެބަ އޮތެވެ.
އޭގެ ތެރޭގައި ހިމެނެނީ ވޯކްޕާމިޓް ފީގެ ގޮތުގައި ނުދައްކާ އޮތް 11.1 މިލިއަން ރުފިޔާއަކާއި ކޯޓާ ފީގެ ގޮތުގައި ނުދައްކާ އޮތް 1.4 މިލިއަން ރުފިޔާއެކެވެ.
ބިޒްނަސް ޕޯޓަލްގައިވާ ގޮތުން އެ ކުންފުނީގެ ޑިރެކްޓަރުންގެ ތެރޭގައި ހިމެނެނީ ޖަނާގެ އިތުރުން އޭނާގެ ދަރިކަލުން އަދި މި ސަރުކާރުގައި އެމްއެމްޕީއާރުސީގެ ޗެއާޕާސަންގެ މަގާމުގައި ހުންނެވުމަށްފަހު އިސްތިއުފާ ދެއްވި އައިޝާ ނޫރައިން ޖަނާހެވެ. ޖަނާހަކީ އެ ކުންފުނީގެ ޗެއާމަނެވެ. ނޫރައިންއަކީ މެނޭޖިން ޑިރެކްޓަރެވެ.
128 Comments
ގުޅުންހުރި
ނަތަންޔާހޫ ހައްޔަރުކުރަން އައިސީސީން ކުރި އަމުރަށް ރައީސް މަރުހަބާ ވިދާޅުވެއްޖެ
ރާއްޖެ އާއި އިންޑިއާގެ ދެމެދު ރުޕީސް އާއި ރުފިޔާ އިން މުއާމަލާތް
އެސްޓީއޯ އިން ބިނާކުރި އެލައިޑް، މާކެޓުގައި މިއަދު އެންމެ ބޮޑު ހިއްސާ
ލޯބިވާ މީހުން ދޫކޮށް މަރުވެ ދާންޖެހޭނަކަމީ ދުންޔަވީ ހަގީގަތެވެ. އެކަމަކު އާހިރަތް
މެންބަރުކަން ގެއްލުވާލުމުގެ ބާރު ސިޔާސީ ޕާޓީއަށް ދިނުމުން ރައްޔިތުންގެ ބާރު ގެއްލޭ:
ސްޓެލްކޯގެ ފުރިހަމަ މަސައްކަތެއް؛ އިސްލާމީ މަރުކަޒުގެ މަސްފެންގަނޑު މަރާމާތުކޮށް ރީތިކޮށްލައިފި