ޕޯސްޓް، ފެނަކަ އަދި އެސްޑީއެފްސީގެ ޗެއާމަން ވަކިކޮށްފި

މޯލްޑިވްސް ޕޯސްޓް ލިމިޓެޑްގެ ޗެއާމަން މުހައްމަދު އަބްދުﷲ، ފެނަކަ ކޯޕަރޭޝަން ލިމިޓެޑް ޗެއާމަން އަދި އަހުމަދު ޝަހީރު އަދި އެސްއެމްއީ ޑިވެލޮޕްމަންޓް ފައިނޭންސް ކޯޕަރޭޝަން ޕްރައިވެޓް ލިމިޓެޑްގެ ޗެއާމަން ޝުހާދު އިބްރާހިމް އެ މަގާމުން ވަކިކޮށްފި އެވެ.

ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން މިއަދު ބުނީ އެ ބޭފުޅުން މަގާމުން ވަކިކޮށްފައިވަނީ މިދިޔަ ބުރާސްފަތި ދުވަހު ކަމަށެވެ. ނަމަވެސް އެ ބަދަލުތައް ގެނައި ސަބަބެއް ނުބުނެ އެވެ.

ސަރުކާރު ހިއްސާވާ ތިން ކުންފުންޏެއްގެ ޗެއާމަނުން ވަކިކުރި އިރު، އެ ކުންފުނިތައް ހިމެނޭ ގޮތުން 10 ކުންފުންޏެއްގެ ބޯޑުގެ 16 ބޭފުޅުން ވަނީ މިދިޔަ ބުރާސްފަތި ދުވަހު މަގާމުން ވަކިކޮށްފަ އެވެ.

އޭގެ ތެރޭގައި ހިމެނެނީ:

1. ހައުސިން ޑިވެލޮޕްމަންޓް ފައިނޭންސް ކޯޕަރޭޝަންގެ ބޯޑު މެންބަރު: މުހައްމަދު ރަޝީދު
2. ހައުސިން ޑިވެލޮޕްމަންޓް ފައިނޭންސް ކޯޕަރޭޝަންގެ ބޯޑު މެންބަރު: ހާމިދު ސާދިގު
3. މޯލްޑިވްސް ޕޯސްޓްގެ ބޯޑު މެންބަރު: މުހައްމަދު ނާޝިދު
4. އައްޑޫ އިންޓަނޭޝަނަލް އެއާޕޯޓުގެ ބޯޑު މެންބަރު: ހުސެއިން މުހައްމަދުދީދީ
5. އައްޑޫ އިންޓަނޭޝަނަލް އެއާޕޯޓުގެ ބޯޑު މެންބަރު: ޝާތިފް އަލީ
6. އައްޑޫ އިންޓަނޭޝަނަލް އެއާޕޯޓުގެ ބޯޑު މެންބަރު: ޝަޒުރާ ޝާކިރު
7. ބިޒްނަސް ސެންޓާ ކޯޕަރޭޝަންގެ ބޯޑު މެންބަރު: ލަމްޔާ އިބްރާހީމް
8. ބިޒްނަސް ސެންޓާ ކޯޕަރޭޝަންގެ ބޯޑު މެންބަރު: އަހުމަދު އިފްތިހާރު
9. ފަހި ދިރިއުޅުން ކޯޕަރޭޝަންގެ ބޯޑު މެންބަރު: ނަޖީލް އަހުމަދު
10. ފެނަކައިގެ އެގްޒެކެޓިވް މެންބަރު: އިބްރާހިމް ނާއިފް
11. ފެނަކައިގެ ބޯޑު މެންބަރު: އަހުމަދު އީހާބް
12. ޕޮލިސް ވެލްފެއާގެ ބޯޑު މެންބަރު އަލީ ނަޒީރު
13. ޓްރޭޑްނެޓް މޯލްޑިވްސްގެ ބޯޑު މެންބަރު ނާހިޔާ މުހައްމަދު
14. ވެމްކޯގެ ބޯޑު މެންބަރު: އަލީ ނަބީލް
15. ވެމްކޯގެ ބޯޑު މެންބަރު: މުސްތަފާ މުހައްމަދު
16. ވެމްކޯގެ ބޯޑު މެންބަރު: އަލީ އިކްރާމް