ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ)ގެ ނަމުގައި ސްކޭމް ކޯލްތަކެއް ކުރަމުންދާތީ ސަމާލުވުމަށް އެ ކުންފުނިން އެދިއްޖެ އެވެ.
ސްޓެލްކޯގެ މެނޭޖިން ޑިރެކްޓަރު ހުސައިން ފަހުމީ މިއަދު އެކްސްގައި ކުރެއްވި ޕޯސްޓެއްގައި ވިދާޅުވީ އެ ކުންފުނީގެ ނަމުގައި ކަސްޓަމަރުންނަށް ސްކޭމް ކޯލްތަކެއް ކުރަމުންދާކަން ސަމާލު ކަމަށް އައިސްފައިވާ ކަމަށެވެ. އަދި އެފަދަ ކޯލްތައް ކުރާ ފަރާތްތަކުން ކަސްޓަމަރުންނަށް ދޮގު މައުލޫމާތު ދީ އޮޅުވާލަން މަސައްކަތް ކުރާ ކަމަށްވެސް ބުންޏެވެ.
ފަހުމީ ވިދާޅުވީ ސްޓެލްކޯގެ އެއްވެސް ކަސްޓަމަރެއްގެ ޒާތީ އަދި މާލީ ހާލަތާގުޅޭ މައުލޫމާތެއް އެ ކުންފުނިން ނުހޯދާނެ ކަމަށެވެ. އަދި އެފަދަ ޝައްކު ކުރެވޭ ފޯން ކޯލެއް ލިބިއްޖެ ނަމަ، ޒާތީ އެއްވެސް މައުލޫމާތެއް ހިއްސާ ނުކޮށް ވަގުތުން ފޯން ކަނޑާލުމަށްވެސް އެދިފައިވެ އެވެ.
ފަހުމީ އިތުރަށް ވަނީ އެފަދަ އެއްވެސް މުއާމަލާތެއްގެ ސައްހަކަން ކަށަވަރު ކުރުމަށް ސްޓެލްކޯގެ ރަސްމީ ޗެނަލްތަކުގެ ބޭނުން ހިފުމަށް ކަސްޓަމަރުންގެ ކިބައިން އެދިފަ އެވެ.

ގުޅުންހުރި
އެމްޑީޕީގެ ރިޔާސީ ޕްރައިމަރީގައި ވާދަކުރަން ޝަމްހީދު ޝައުގުވެރިވެއްޖެ
ޔޫކޭ ދަތުރުފުޅަށްފަހު ރައީސް ރާއްޖެއަށް، މަޖިލިސް ރައީސް އުޒްބަކިސްތާނަށް
ރާއްޖެއަށް މި ވަގުތު އެންމެ ރަނގަޅު ގޮތަކީ އެމްޑީޕީއާއި ޑިމޮކްރެޓްސް ގުޅުން:
ޓޫރިސްޓެއްގެ އަތުން ވަޒަންތަކެއް ފެނިގެން ހައްޔަރުކޮށްފި
ދިރާސީ އާ އަހަރު ފަށާނީ ހޯމަ ދުވަހު
ހާއްސަ އެހީއަށް ބޭނުންވާ ކުއްޖަކަށް ޖިންސީ ގޯނާކުރި މީހަކު ހައްޔަރުކޮށްފި