ސަރުކާރު ކުންފުނިތަކުން އަދި ސަރުކާރު ހިއްސާވާ ކުންފުނިތަކުން ”ކޯޑް އޮފް ކޯޕަރޭޓް ގަވަނަންސް ފޯ ސްޓޭޓް އެންޑް އެންޓަޕްރައިޒަސް“ އާ ހިލާފަށް އަހަރީ އާންމު ޖަލްސާ އަދި ހާއްސަ ގޮތުން ބާއްވާ އާންމު ޖަލްސާތައް ނުބޭއްވުމަށް ޕްރައިވެޓައިޒޭޝަން އެންޑް ކޯޕަރައިޒޭޝަން ބޯޑް (ޕީސީބީ) އިން އަންގައިފި އެވެ.
ޕީސީބީން މިއަދު ނެރުނު ސާކިއުލާއެއްގައި ބުނީ އެސްއޯއީތަކުގެ ނުވަތަ ސަރުކާރު ހިއްސާވާ ކުންފުނިތަކުގެ އަހަރީ އާންމު ޖަލްސާ ބާއްވަން ޖެހޭނީ ޕީސީބީގެ އޮފިޝަލުންނާއި ފިނޭންސްގެ އޮފިޝަލުން ހިމެނޭ ގޮތަށް ކަމަށެވެ. ނަމަވެސް އެ ކޯޑާ ހިލާފަށް ޕީސީބީ އަދި ފިނޭންސްގެ އޮފިޝަލުން ނުހިމަނައި ސަރުކާރު ހިއްސާވާ ބައެއް ކުންފުނިތަކުން އަމަލުކުރަމުންދާކަން މޮނިޓަރިންގައި ފާހަގަވެފައިވާ ކަމަށް ޕީސީބީން ބުންޏެވެ.
”އަހަރީ އާންމު ޖަލްސާ އަދި ހާއްސަ ގޮތުން ބާއްވާ އާންމު ޖަލްސާތައް އިންތިޒާމު ކުރުމުގައި، އިސްވެ ދެންނެވުނު ގަވަނަންސް ކޯޑާ އެއްގޮތުގެ މަތިން ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑުގެ އޮފިޝަލުންނާއި މިނިސްޓްރީ އޮފް ފިނޭންސްގެ އޮފިޝަލުން ހިމެނޭކަން ކަށަވަރު ކުރަން ދަންނަވަން،“ ޕީސީބީން ބުންޏެވެ.
އަދި ޖަލްސާތައް ބޭއްވުމުގެ ކުރިން ކުންފުނިތަކާ ހިއްސާ ކުރެވިފައިވާ އޮންލައިން ޗެކް ލިސްޓް ފޯމް ފުރިހަމަ ކުރުމަށް ކުންފުނިތަކަށް ޕީސީބީން ވަނީ އަންގައިފަ އެވެ.
ޕީސީބީން ވަނީ އެ ބޯޑުގެ ޒިންމާ އަދާ ކުރުމުގެ ގޮތުން، ބޯޑުން އަންގާ އެންގުން ކުންފުނިތަކުން އަމަލު ކުރުމަކީ ސަރުކާރުގެ ކުންފުނިތަކާއި ސަރުކާރު ބައިވެރިވާ ކުންފުނިތަކާއި، ވިޔަފާރި އުސޫލުން ހިންގާ ސަރުކާރު ތަންތަނަށް ލާޒިމު ކަމެއްކަން ހަނދާން ކޮށްދީފަ އެވެ.
ގުޅުންހުރި
ބައްސާމް ގަތް ދެ ޕެންޓްހައުސް ފުލުހުންނާ ހަވާލުކުރަން އަމުރުކޮށްފި
ފަތުރުވެރިކަން ފުޅާކުރުމަށް ސްޕޯޓްސް ޓުއަރިޒަމް ކުރިއެރުވިދާނެ: ޗަމްޕާ އަފީފް
ހިރިމަރަދޫގެ ފެނާއި ނަރުދަމާ ނިޒާމް ގާއިމްކުރުމުގެ މަސައްކަތް ނިންމާލައިފި
ބިދޭސީއަކު ފިލައިގެން ހުށަހަޅާ ރިޕޯޓް އަނބުރާ ގެންދާނަމަ 10،000ރ ދައްކަންޖެހޭނެ
ޗާގޯސް ޖަޒީރާ، މޮރިޝަސްއާ ހަވާލުކުރަން އިނގިރޭސި ސަރުކާރުން އެއްބަސްވެއްޖެ
ޕާކިން އިމާރާތްތަކުން ސްލޮޓް ވިއްކާނެ، އެތަނަށް ވެހިކަލް ރަޖިސްޓްރީ ކުރެވޭނެ: އަމީން