ޔޫރަޕް ކޮލިޓީގެ ބޭސް ލިޔާ ގޮތަށް ބަދަލެއް ގެނެސްފި

ބޭސް ސިޓީގައި ޔޫރަޕް ކޮލިޓީގެ ބޭސް ލިޔާ ގޮތަށް އާސަންދައިން ބަދަލެއް ގެނެސްފި އެވެ.

އާސަންދަ ކުންފުނިން މިއަދު ބުނީ ޔޫރަޕް ކޮލިޓީގެ ހަތް ބޭހެއް ވަނީ ރާއްޖެއަށް ގެނެސްފައި ކަމަށެވެ. އެ ހަތް ބޭހާއެކު ޑޮކްޓަރުން ބޭސް ސިޓީ ލިޔާގޮތަށް ބަދަލު ގެނެސްފައިވާ ކަމަށް އާސަންދައިން ބުންޏެވެ.

އެގޮތުން އާސަންދައިން ބުނީީ އެ ހަތް ބާވަތުގެ ބޭހުގެ ވަކި ބްރޭންޑެއްގެ ނަން ޖެހުމުގެ ބަދަލުގައި ޖެނެރިކް ނަން ޖަހަން ޖެހޭ ގޮތަށް ބަދަލު ގެނެސްފައިވާ ކަމަށެވެ. ބޭސް ސިޓީގައި ވަކި ބްރޭންޑެއް ޖަހާނަމަ ސަބަބު ޖަހަން ޖެހޭ ގޮތަށް ވެސް މިހާރު ހަދައިފައިވާ ކަމަށް އާސަންދައިން ބުންޏެވެ.