ސަރުކާރުގެ ސިޔާސީ މަގާމުތަކުގެ ވަޒީފާތަކުގައި ތިއްބެވި މީހުންގެ އަދަދު ހާމަނުކުރާތީ އިދިކޮޅު އެމްޑީޕީގެ ފަރާތުން ރައްޔިތުންގެ މަޖިލީހަށް ހުށަހެޅި ކުއްލި މައްސަލަ މަޖިލީހުން ބޭރުކޮށްލައިފި އެވެ.
އެމްޑީޕީގެ ފަރާތުން އެ މައްސަލަ މަޖިލީހަށް ހުށަހެޅުއްވީ ގަލޮޅު ދެކުނު ދާއިރާގެ މެންބަރު މީކާއިލް އަހުމަދު ނަސީމެވެ.
އެ މައްސަލައިގައި މީކާއީލް ވިދާޅުވީ ރައީސް ޑރ. މުހައްމަދު މުއިއްޒު ވަނީ ސިޔާސީ މަގާމުތަކުގައި ތިއްބެވި މީހުންގެ މުސާރަ ކުޑަކުރަން ނިންމަވައިފައި ކަމަށެވެ. ނަމަވެސް މިއަދާ ހަމައަށް ވެސް ސިޔާސީ މަގާމުތަކުގައި ތިބި މީހުންގެ އަދަދު ސަރުކާރުން ހާމަކޮށްފައިނުވާ ކަމަށެވެ. އެހެންވެ އެ މައުލޫމާތު ހާމަކުރުމަށް ގޮވައިލައި ކުއްލި މައްސަލަ ހުށަހަޅާ ކަމަށް މީކާއިލް ވިދާޅުވި އެވެ.
މަޖިލީހުގެ މިއަދުގެ ޖަލްސާގައި މީކާއިލް ހުށަހެޅުއްވި ކުއްލި މައްސަލައަށް ބަހުސް ކުރުމަށް ފެނޭތޯ ނެގި ވޯޓުގައި އެ މައްސަލަ ބަލައިގަތުމާ ދެކޮޅަށް 59 މެންބަރަކު ވަނީ ވޯޓު ދެއްވައިފަ އެވެ. އެ މައްސަލައަށް ތާއީދު ކުރެއްވީ އަށް މެންބަރުންނެވެ.
އެހެންވެ އެ މައްސަލައަށް ބަހުސްނުކޮށް މައްސަލަ ވަނީ ބޭރުކޮށްލައިފަ އެވެ.
ގުޅުންހުރި
އެއް ކުއްޖަކު ނުވަތަ ދެ ކުދިންނަށްވުރެ އިތުރަށް ދަރިން ނުހޯދުން ފެޝަނަކަށް
ފިރިހެނަކު ފިރިހެނަކަށް ވަނީ 65 އަހަރު ފުރުމުން: އިބްރާހިމް ހުސެއިން
އެއް ދުވަހު އިތުބާރު ނުކުރެވޭ ވެރިއަކަށް އަނެއް ދުވަހު އިތުބާރު ކުރެވިދާނެ,
މުޒާހަރާ ހުއްޓުވަން އުޅުނު ވަކިވަކި ފުލުހުންގެ ޒާތީ މައުލޫމާތު އާންމުކުރާތީ ފުލުހުންގެ
މުޒާހަރާތަކަށް ނުކުމެ, ފުލުހުންނާ ކުރިމަތިލާ މަޖިލިސް މެންބަރުންގެ ގޮނޑި ގެއްލެންޖެހޭ: ފަލާހު
އެއްވުން ރޫޅާލަން ބާރުގެ ބޭނުންކުރީ ކެތްތެރިކަމާއި ޕްރޮފެޝަނަލް ކަމާއެކު: ފުލުހުން