ތިން ވަޒީރުންނަށް މަޖިލީހުން ރުހުން ދީފި

ރައީސް ޑރ. މުހައްމަދު މުއިއްޒު، ފޮރިން މިނިސްޓަރުގެ މަގާމަށް އައްޔަން ކުރެއްވި، ޑރ. އަބްދުﷲ ހަލީލާއި ފިނޭންސް މިނިސްޓަރުގެ މަގާމަޑް އައްޔަން ކުރެއްވި މޫސާ ޒަމީރު އަދި ހެލްތު މިނިސްޓަރަކަށް އައްޔަންކުރެއްވި އައްޔަންކުރެއްވި އަބްދުﷲ ނާޒިމް އިބްރާހީމަށް ރައްޔިތުންގެ މަޖިލީހުން ރުހުން ދެއްވައިފިއެވެ.

އެ ތިން މިނިސްޓަރުންނަށް ރުހުން ދެއްވާފައިވަނީ މިއަދު ބޭއްވި މަޖިލީހުގެ ޖަލްސާގައެވެ.

ރައީސް މުއިއްޒު އެމަނިކުފާނުގެ ކެބިނެޓަށް ބަދަލުތަކެއް ގެންނެވީ މިދިޔަ މަހުގެ 30 ވަނަ ދުވަހުއެވެ. އެގޮތުން، ކުރިން ފޮރިން މިނިސްޓަރަކަށް ހުންނެވި މޫސާ ޒަމީރު، ފިނޭސް މިނިސްޓަރުގެ މަގާމަށް ހަމަޖައްސަވައި ހެލްތު މިނިސްޓަރުގެ މަގާމުގައި ހުންނެބި ޑރ. އަބްދުﷲ ހަލީލް ވަނީ ފޮރިން މިނިސްޓަރަކަޑަ ހަމަޖައްސަވާފައެވެ.

• ރައީސް އޮފީހުގެ ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީގެ މަގާމުގައި ހުންނެވި އަބްދުﷲ ނާޒިމް އިބްރާހީމް ވަނީ ހެލްތު މިނިސްރުގެ މަގާމަށް އައްޔަންކުރައްވައިފައެވެ.