އިންޑިއާގެ ހޮސްޕިޓަލެއްގެ ނިއޯނޭޓްލް އިންޓެންސިވް ކެއާ ޔުނިޓް (އެންއައިސީޔޫ) ގައި ރޯވެ، ތުއްތު 10 ކުއްޖަކު މަރުވެއްޖެ އެވެ.
ހުކުރު ދުވަހުގެ ރޭ އަލިފާނުގެ ހާދިސާ ހިނގީ ވެރިރަށް ނިއު ދިއްލީގެ ދެކުނުން ގާތްގަނޑަކަށް 450 ކިލޯމީޓަރު ދުރުގައި ހުންނަ އިންޑިއާ ސަރުކާރުން ހިންގާ ޖާންސީގެ މަހާރާނީ ލަކްޝްމީބާއީ މެޑިކަލް ކޮލެޖުގަ އެވެ. އެ ހާދިސާ ހިނގި ކަމަށް ބެލެވެނީ އެންއައިސީޔޫ އިން ޝޯޓް ސާކިޓެއް ވެގެން ކަމަށް ރިޕޯޓްތައް ބުނެ އެވެ.
އުފަންވީތާ އެންމެ ދުވަހެއް ވެސް ނުވާ ތުއްތު ކުދިން ތިބި ޔުނިޓްގައި ރޯވި އަލިފާނުން އެތަނުގެ އެނދުތަކާއި މެޝިންތައް ވެސް ހުރީ އަނދައިފަ އެވެ. ސަލާމަތްކުރެވުނު ކުދިން އެހެން ހޮސްޕިޓަލަކަށް ބަދަލުކޮށްފައިވާއިރު، އޭގެ ތެރެއިން16 ކުއްޖެއްގެ ހާލު ސީރިއަސް ކަމަށް އިންޑިއާގެ ނޫސްތަކުން ބުނެ އެވެ.
”ތުއްތު 10 ކުއްޖަކު ވަނީ މަރުވެފައި. މީގެ ތެރެއިން ހަތް ކުއްޖެއްގެ ހަށިގަނޑު ވަނީ ދެނެގަނެވިފައި. އަނެއް ތިން ކުދިން އަދި ކަށަވަރެއް ނުކުރެވޭ،“ އުއްތަރް ޕްރެދޭޝްގެ ޑެޕިއުޓީ ޗީފް މިނިސްޓަރު ބްރަޖޭޝް ޕަތަކް ނޫސްވެރިންގެ ބައްދަލުވުމެއްގައި ވިދާޅުވި އެވެ.
އުއްތަރަ ޕްރަދޭޝްގެ ޗީފް މިނިސްޓަރު ޔޯގީ އާދިތުޔަނާތު ވަނީ މަރުވި ކުދިންގެ އާއިލާތަކަށް 500،000 ރުޕީސް (5،900 ޑޮލަރު) ގެ ބަދަލެއް ދޭނެ ކަމަށް ވިދާޅުވެފަ އެވެ.
ގުޅުންހުރި
ރާއްޖެ އާއި އިންޑިއާގެ ދެމެދު ރުޕީސް އާއި ރުފިޔާ އިން މުއާމަލާތް
އެސްޓީއޯ އިން ބިނާކުރި އެލައިޑް، މާކެޓުގައި މިއަދު އެންމެ ބޮޑު ހިއްސާ
ލޯބިވާ މީހުން ދޫކޮށް މަރުވެ ދާންޖެހޭނަކަމީ ދުންޔަވީ ހަގީގަތެވެ. އެކަމަކު އާހިރަތް
މެންބަރުކަން ގެއްލުވާލުމުގެ ބާރު ސިޔާސީ ޕާޓީއަށް ދިނުމުން ރައްޔިތުންގެ ބާރު ގެއްލޭ:
ސްޓެލްކޯގެ ފުރިހަމަ މަސައްކަތެއް؛ އިސްލާމީ މަރުކަޒުގެ މަސްފެންގަނޑު މަރާމާތުކޮށް ރީތިކޮށްލައިފި
އައިކޮމްގެ އަޑުއެހުމަށް ހާޒިރުނުވުމުން ހައުސިން މިނިސްޓްރީ ޖޫރިމަނާކޮށްފި