ސްޓެލްކޯއިން ހިންމަފުށީގައި ގާއިމުކުރި މީޑިއަމް ވޯލްޓޭޖް ޑިސްޓްރިބިއުޝަން ވިއުގަ ބޭނުން ކުރަން ފަށައިފި

ކ. ހިންމަފުށީގައި ސްޓެލްކޯއިން އަލަށް ގާއިމުކުރި މީޑިއަމް ވޯލްޓޭޖް ޑިސްޓްރިބިއުޝަން ވިއުގަ ބޭނުން ކުރަން ފަށައިފި އެވެ.

ސްޓެލްކޯއިން މިއަދު ބުނީ އެ މީޑިއަމް ވޯލްޓޭޖް ޑިސްޓްރިބިއުޝަން ވިއުގަ މިހާރު ވަނީ އެނަޖައިޒްކޮށް މިހާރު ކަމިޝަން ކޮށްފައި ކަމަށެވެ.

މީޑިއަމް ވޯލްޓޭޖް ޑިސްޓްރިބިއުޝަން ވިއުގާގެ ސަބަބުން ހިންމަފުށިއަށް ދިމާވަމުންދިޔަ ވޯލްޓޭޖް ޑްރޮޕްގެ މައްސަލަ ހައްލުވެ އަލަށް އާބާދުވަމުންދާ ސަރަހައްދަށް ޑިސްޓްރިބިއުޝަން ނެޓްވޯކު ފުޅާކޮށް، ކަސްޓަމަރުންނަށް ހިދުމަތް ލިބިދިނުމަށް ކުރަންޖެހޭ ހޭދަ އެތައް ގުނައަކުން ކުޑަ ވެގެންދާނެ ކަމަށް ސްޓެލްކޯއިން ބުންޏެވެ.

އާ ވިއުގާ ނިޒާމާ އެކު، ތިން ޑިސްޓްރިބިއުޝަން ސަބްސްޓޭޝަނެއް ގާއިމުކޮށް، ޑިސްޓްރިބިއުޝަން ކެޕޭސިޓީއަށް 1.5 އެމްވީއޭ އިތުރުކުރެފައިވާ ކަމަށް ސްޓެލްކޯއިން ބުންޏެވެ.