އެޗްޑީސީގެ ކުރީގެ މެނޭޖިން ޑިރެކްޓަރު އިބްރާހިމް ފަޒުލް ރަޝީދުގެ ގެ ފުލުހުން ބަލައި ފާސްކުރިއިރު ދަބަހެއްގެ ތެރެއިން މިލިއަނަކަށްވުރެ ގިނަ ރުފިޔާ ފެނުނުކަން މި ނޫހަށް އެނގިއްޖެ އެވެ.
ބިންވެރިޔާ ސްކީމުން ގޯތި ނުލިބޭ ބަޔަކަށް ގޯތި ދޫކޮށްފައިވާ މައްސަލަތަކާ ގުޅިގެން ފުލުހުން ކުރަމުން އަންނަ ތަހުގީގުގެ ތެރެއިން ފަޒުލް ދިރިއުޅޭ މ. ޒޭވަރު ފުލުހުން ބަލައިފާސްކުރީ މިދިޔަ މަހުގެ 23 ވަނަ ދުވަހު ކޯޓު އަމުރެއްގެ ދަށުންނެވެ. ފުލުހުން އޭރު ބުނި ގޮތުގައި ފަޒުލްގެ ގެ ފާސްކޮށް، ތަހުގީގުގެ ބޭނުމަށް ބައެއް އިލެކްޓްރޯނިކް ސާމާނު ހިމެނޭ ގޮތުން ބައެއް ތަކެތި އެ އިދާރާގެ ބެލުމުގެ ދަށަށް ވަނީ ގެންގޮސްފަ އެވެ.
ނަމަވެސް އިތުރަށް މި މައްސަލައިގައި މިހާތަނަށް ފުލުހުން އެއްވެސް މައުލޫމާތެއް ހާމަކޮށްފައެއް ނުވެ އެވެ.
’ހަފްތާ‘ އަށް މައުލޫމާތު ދިން މަސްދަރަކުން ވަނީ ފަޒުލްގެ ގެއިން ނަގުދު ފައިސާ އިން މިލިއަނަކަށްވުރެ ގިނަ ރުފިޔާ ފުލުހުން ގެންދިޔަކަން ކަށަވަރު ކޮށްދީފަ އެވެ. ނަމަވެސް އެ ފައިސާގެ މައްސަލައިގައި ފުލުހުން މީޑިއާއަކާ އަދި މައުލޫމާތެއް ހިއްސާއެއް ނުކުރެ އެވެ. އެހެންވެ ފަޒުލްގެ ގެއިން ފެނުނީ ކިހާ އަދަދެއްގެ ފައިސާއެއް ކަމެއް އަދި ކަށަވަރެއް ނުވެ އެވެ.
ބިންވެރިޔާ ސްކީމުގެ ދަށުން ގޯތި ނުލިބޭ ބަޔަކަށް ހުޅުމާލެއިން ގޯތިތަކެއް ދިން މައްސަލައާ ގުޅިގެން ޕްރޮސިކިއުޓާ ޖެނެރަލްގެ އަމުރަކަށް ފުލުހުންނާއި އޭސީސީން ގުޅިގެން އަންނަނީ ތަހުގީގެއް ކުރަމުންނެވެ.
އެ ތަހުގީގު ކުރިއަށް ދަނިކޮށް، މިދިޔަ މަހުގެ 21 ވަނަ ދުވަހު ފަޒުލް ވަނީ މަގާމުން އިސްތިއުފާ ދެއްވައިފައެވެ. އޭގެ ފަހުން އޭނާގެ ޕާސްޕޯޓު ވަނީ ހިފަހައްޓައިފައެވެ.
3 Comments
ގުޅުންހުރި
ރަށްރަށަށް ވަޑައިގަތުމުގެ ބޭނުމަކީ މިއަހަރު ކޮށްދޭނެ ކަންކަމުގެ ވާހަކަ ކިޔައިދިނުން: ރައީސް
އާންމުކޮށް ވެލި ނަގާ ސަރަހައްދުތަކުގައި މެޝިނަރީ ބޭނުންކުރާ ނަމަ ފިޔަވަޅު އަޅާނަން:
ފިރިހެން ކުދިންތަކެއް ގްރޫމުކުރި ޓީޗަރު އަލުން ބަންދުކުރަން ހައި ކޯޓުން އަންގައިފި
ހުރިހާ ރަށަކަށް ބޭނުންވާ ބޮޑުހިލަ ގެންނާނެ؛ މަޝްރޫއުތައް ކުރިއަށް ދާނެ: ރައީސް
ހައުސިން މިނިސްޓްރީ އުވާލުމުން ބައެއް މުވައްޒަފުން ދޫކޮށްލަން ޖެހިދާނެކަން އަންގައިފި
ރަށްރަށުގައި ކަރަންޓު ކެނޑޭ މައްސަލަ ރަމަޟާންް މަހުގެ ކުރިން ހައްލުވާނެ: ރައީސް