ކޮރަޕްޝަނާއި މަގާމުގެ ނުފޫޒު ބޭނުންކުރި މައްސަލައެއް ސާބިތުވެ، ޕާކިސްތާނުގެ ކުރީގެ ބޮޑުވަޒީރު އިމްރާން ހާން އާއި އޭނާގެ އަނބިކަނބަލުން ބުޝްރާ ބީބީ ޖަލަށް ލާން ހުކުމްކޮށްފި އެވެ.
އިމްރާންގެ ދެކަނބަލުންގެ މައްޗަށް އެ ދައުވާ ކުރީ ޕާކިސްތާނުގެ ބޮޑުވަޒީރުގެ މަގާމުގައި ހުންނެވި މުއްދަތުގައި އޭނާގެ އަމިއްލަ އަލް-ގާދިރު ޓްރަސްޓަށް ޕާކިސްތާނުގެ ރިއަލް އެސްޓޭޓް ޑިވެލޮޕަރެއްގެ އަތުން އެތައް ބިލިއަން ރުޕީސްއެއްގެ ބިމެއް ހޯދުމުގައި މާލީ މަންފާ ހޯދި ކަމަށް ބުނެ އެވެ. އަލް-ގާދިރު ޓްރަސްޓުން އެ ބިން ހޯދީ ފަގީރުންނަށް ކިޔަވައި ދިނުމަށް ތައުލީމީ މަރުކަޒެއް އެޅުމަށެވެ.
މި ދައުވާ އަށް އިމްރާންގެ ދެކަނބަލުން ވަނީ އިންކާރު ކުރައްވާފައިވާއިރު މި މައްސަލައިގައި ދައުވާ ކުރުން މީގެ ކުރިން ތިން ފަހަރަށް ވަނީ ފަސްކޮށްފަ އެވެ.
އޮގަސްޓް 2023 އިން ފެށިގެން ޖަލުގައި ހުންނެވި އިމްރާންގެ މައްޗަށް ހުކުމް އިއްވާފައިވަނީ އޭނާ ބަންދުކޮށްފައި ހުންނެވި އަދިއާލާ ޖަލުގައި ހުންނަ ކޯޓުންނެވެ.
އެގޮތުން އިމްރާން 14 އަހަރަށް ޖަލަށްލުމާއެކު އެއް މިލިއަން ޕާކިސްތާނީ ރުޕީސް (3،500 ޑޮލަރު) އިން ޖޫރިމަނާ ކުރި އިރު، އިމްރާންގެ އަނބިކަނބަލުން ބުޝްރާ ބީބީ އަށް އިއްވާފައިވަނީ 7 އަހަރުގެ ޖަލު ހުކުމަކާއެކު 500،000 ޕާކިސްތާނީ ރުޕީސްގެ ޖޫރިމަނާއެކެވެ.
އިމްރާން ހާންގެ މައްޗަށް ހިޔާނާތުގެ ދައުވާކޮށްފައިވަނީ އެ ގައުމުގެ ރިއަލް އެސްޓޭޓުގެ ވިޔަފާރީއެއް ކަމަށްވާ މަލިކް ރިޔާޒް ހުސެއިންގެ ފަރާތުން ނާޖައިޒު މަންފާ ހޯދުމުގެ ގޮތުން ބިމެއް ބަދަލުކޮށްފައިވާތީ އެވެ.
ކުރީގެ ކްރިކެޓް ކުޅުންތެރިޔާ އިމްރާންއާ ދެކޮޅަށް މިހާރުވެސް ދަނީ އިތުރު އެތައް ތުހުމަތުތަކެއް ކުރަމުންނެވެ.
ބީބީސީން ރިޕޯޓުކޮށްފައިވާ ގޮތުގައި އިމްރާންގެ މައްޗަށް 100 އަށްވުރެ ގިނަ ދައުވާ ވަނީ ކޮށްފަ އެވެ. އެ ދައުވާތަކުގެ ތެރޭގައި ދައުލަތުގެ ސިއްރުތައް ލީކުކުރުމާއި ދައުލަތުގެ މުދާތައް ވިއްކުން ފަދަ ދައުވާތައް ހިމެނެ އެވެ. އިމްރާން ވިދާޅުވާ ގޮތުން އެއީ ސިޔާސީ މަގުސަދުތަކެއްގައި ކޮށްފައިވާ ދައުވާތަކެވެ.
ގުޅުންހުރި
ފަސް ކިލޯއަށްވުރެ ގިނަ މަސްތުވާތެކެތި ރާއްޖެއަށް އެތެރެކުރި ޕާކިސްތާނު މީހަކު ހައްޔަރުކޮށްފި
ޕާކިސްތާނުގެ ކުރީގެ ބޮޑުވަޒީރު ނަވާޒް ޝަރީފަށް އެ ޤައުމުގެ އިންތިޚާބުތަކުގައި ވާދަކުރުމުގެ