އިންޑިއާ އިން ރާއްޖެއަށް ޔޮޓެއްގައި ހަޝިޝް އޮއިލް އެތެރެކުރަން އުޅުނު ހަތަރު މީހަކު އެ ގައުމުގެ ޑިރެކްޓޮރޭޓް އޮފް ރެވެނިއު އިންޓެލިޖެންސް (ޑީއާރުއައި) އިން އަތުލައިގެންފި އެވެ.
އިންޑިއާގެ ނޫސްތަކުން މިދިޔަ ބުދަ ދުވަހު ރިޕޯޓްކޮށްފައިވާ ގޮތުގައި، އެ ގައުމުގެ ޓުޓްކޮރިން ބަނދަރުން ޔޮޓެއްގައި ބަޔަކު ރާއްޖެއަށް 12 ކިލޯގެ ހަޝިޝް ތެޔޮ އެތެރެކުރަން ކުރި މަސައްކަތް ޑީއާރުއައިގެ އޮފިޝަލުން ވަނީ ހުއްޓުވައިފަ އެވެ.
ހައްޔަރުކުރި ހަތަރު މީހުންގެ ތެރޭގައި އިންޑިއާގެ ފުލުހުންގެ ފޯސް ކަމަށްވާ، ސެންޓްރަލް އިންޑަސްޓްރިއަލް ސެކިއުރިޓީ ފޯސް (ސީއައިއެސްއެފް)ގެ މުވައްޒަފެއް ހިމެނޭ ކަމަށް އިންޑިއާގެ ނޫސްތަކުން ވަނީ ރިޕޯޓް ކޮށްފަ އެވެ. އަދި ޓުޓްކޮރިން އިން ޑްރަގާ އެކު ސައިކަލެއްގައި ދިޔަ ދެ މީހަކާއި ހަޝިޝް އޮއިލް އުފުލަން އެ ގްރޫޕުން ރޭވި ޔޮޓްގެ ފަޅުވެރިއެއް ހައްޔަރުކޮށްފައިވާ ކަމަށް އިންޑިއާގެ ނޫސްތަކުން ވަނީ ރިޕޯޓުކޮށްފަ އެވެ.
އިންޑިއާ ނޫސްތަކުގެ ބުނެފައިވާ ގޮތުގައި، ހަޝިޝް އޮއިލްގެ މަގުމަތީ އަގަކީ ކިލޯއަކަށް 1 ކްރޯޑް ރުޕީސް އެވެ. އެއީ ގާތްގަނޑަކަށް 1.8 މިލިއަން ދިވެހި ރުފިޔާ އެވެ. އަތުލައިގަތް ހަޝިޝް އޮއިލްގެ އަގު 21 މިލިއަން ރުފިޔާއަށް އަރާނެ ކަމަށް ބެލެވެ އެވެ.
ގުޅުންހުރި
އިންޑިއާގައި ނަމާދަށް އިން މީހެއްގެ ގައިގާ ތަޅައި އަނިޔާކުރާ ވީޑިއޯއެއް
އެއްމާބަނޑު ދެބެން, އެއްމާބަނޑު ދެބެންއާ ކައިވެނިކޮށްފި
ކުޑަކުއްޖަކު ލައްވައި މަސްތުވާތަކެތި އުފުލި މައްސަލައިގައި ދެ މީހަކު ހައްޔަރުކޮށްފި
”ނިޕާ“ ވައިރަސް ފެތުރޭތީ، އޭޝިއާގެ ބައެއް އެއާޕޯޓުތަކުގައި ސިއްހީގޮތުން ވަރުގަދަ ފިޔަވަޅުތަކެއް
ޗޮކްލެޓް ސިރަޕް ފުޅިތަކެއްގައި ޑްރަގު އެތެރެކުރި މައްސަލައިގައި ހިމެނޭ ދެ މީހުންގެ
މާލޭގެ ގެއެއް ބަލައި ފާސްކޮށް، ޑްރަގާއެކު ބަޔަކު ހައްޔަރުކޮށްފި