ލ. ގަމުގެ އިހުތިސާސްގައި އެއަތޮޅު ބޮޑުފިނޮޅު ހިމެނުމަށް ރައީސް ނިންމަވައިފައިފި

ލ. ގަމުގެ އިހްތިސާސްގެ ތެރޭގައި އެ އަތޮޅު ބޮޑުފިނޮޅު ހިމަނަން ރައީސް ޑރ. މުހައްމަދު މުއިއްޒު ނިންމަވައިފި އެވެ.

ރައީސް އޮފީހުން މިއަދު ބުނީ ރައީސް އެގޮތަށް ނިންމަވާފައިވަނީ، ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުގެ 1-56 ވަނަ މާއްދާގެ (ހ) އިން، ދިވެހިރާއްޖޭގެ އެންމެހައި އިދާރީ ދާއިރާތަކުގައި ހިމެނޭ ސިޓީ ކައުންސިލްތަކާއި ރަށު ކައުންސިލްތަކުގެ އިހްތިސާސް ކަނޑައެޅުމަށް ރައީސުލްޖުމްހޫރިއްޔާއަށް މަތިކޮށްފައިވާ މަސްއޫލިއްޔަތުގެ ދަށުން، ނެރުއްވި، ގަރާރަކުން ކަމަށެވެ.

ގަމުގެ އިހުތިސާސް ތެރެއަށް ބޮޑުފިނޮޅު ބަދަލުކޮށް ރައީސްގެ ގަރާރު ގެޒެޓު ކުރީ އިއްޔެ އެވެ.

ބިން ބޮޑު ގަމުގެ އިހުތިސާސްގައި ހިމެނި ބޮޑު ފިނޮޅަކީ އެ ރަށާ އެއް ފަޅެއްގައި އެ ރަށު ތުނޑި އަވަށު ކޮޅުގައި އޮތް ރަށެކެވެ. އެކަމަކު ފަހުން އެ ރަށް ވަނީ ގުދުރަތީ ގޮތުން ގަމާ ގުޅި، އެއްފަސްގަނޑަކަށް ވެފަ އެވެ.

ބޮޑުފިނޮޅަކީ ރީތި މޫދާއި ގޮނޑުދޮށް އޮންނަ ހިތްގައިމު ރަށެކެވެ.