ދުންފަތާ ދެކޮޅަށް މި ސަރުކާރުން އަޅަން ފެށި ފިޔަވަޅުތަކުގެ ސަބަބުން މަގުމަތީގައި ހިނގާފައިދާއިރު މޫނަށް ދުން ބުރުވައިގެން ލިބޭ އުދަނގޫތައް އިހުސާސްވާ މިންވަރު ކުޑަ ވެއްޖެ ކަމަށް ރައީސް ޑރ. މުހައްމަދު މުއިއްޒު މިއަދު ވިދާޅުވެއްޖެ އެވެ.
1 ޖެނުއަރީ 2007 އިން ފެށިގެން އުފަންވެފައިވާ އެންމެންނަށް ދުންފަތުގެ އިސްތިއުމާލުކުރުން މަނާކުރުމަށް ގާނޫނަށް ގެނައި އިސްލާހު ތަސްދީގު ކުރެއްވުމަށް ރައީސް އޮފީހުގައި ބޭއްވި ރަސްމިއްޔާތުގައި ނޫސްވެރިއަކު ވަނީ އާންމު ތަންތަނުގައި ދުންފަތް މަނާކުރުމަކީ މަނާކަމަކަށްވާއިރު އެކަން ތަންފީޒު ކުރެވޭތަން ނުފެންނަ ކަމަށާއި އެކަމުގެ ޝަކުވާވެސް ބޮޑު ކަމަށެވެ.
އެ ސުވާލަށް ޖަވާބު ދެއްވަމުން ރައީސް ވިދާޅުވީ، ދުންފަތް ކޮންޓްރޯލްކުރުމާ ބެހޭ ގާނޫނަށް އިސްލާހު ގެނައީ އެފަދަ ޝަކުވާތަކަށް ހައްލު ގެނައުމަށް ކަމަށެވެ.
”އަޅުގަނޑުމެންނަށް ވަރަށް ރިޕޯޓް ލިބޭ މިހާރު ތި ވިދާޅުވި )މޫނަށް ދުންބުރުވުން) ކަންތައް އެކްސްޕީރިއަންސް ކުރެވޭ މިންވަރު ކުޑައޭ މަގުމަތީގައި މިހާރު. މަގުމަތީގައި ދަރިފުޅު ގޮވައިގެންދާއިރު މޫނަށް ދުން ބުރުވައިގެން ނުވަތަ އެ ލިބޭ އުދަނގޫ އިހުސާސްވާވަރު ކުޑަ މިހާރު،“ ރައީސް ވިދާޅުވި އެވެ.
އެ މަނިކުފާނު ވިދާޅުވީ، ގާނޫނުގައި ބުނާ ކަންކަން ތަންފީޒު ކުރުމަށް މުއައްސަސާތައް ވަރުގަދަ ކުރުމަކީ ކުރައްވާނެ ކަމެއް ކަމަށެވެ.
26 Comments
ގުޅުންހުރި
ދުންފަތް ވިއްކާ މީހުން ތިބީ އަޅުގަނޑު ދެކެ ހިތްހަމަނުޖެހިފައި: އެކަމަކު ވަރިހަމަ:
2007 އިން ފެށިގެން އުފަންވި މީހުނަށް ދުންފަތް މަނާކުރާ ބިލު ރައީސް
ރައީސް މުލި އެއާޕޯޓު ރަސްމީކޮށް ހުޅުވައިދެއްވައިފި
ދުންފަތާ ދެކޮޅަށް ރައީސް ކުރައްވާ މަސައްކަތަށް ޑަބްލިއުއެޗްއޯގެ ޑިރެކްޓަރު ޖެނެރަލްގެ ހާއްސަ
ކުޅިވަރު ގާނޫނަށް އިސްލާހު ގެނައުމުގެ ބިލު ރައީސް ތަސްދީގު ކުރައްވައިފި
ކުޅިވަރު އެސޯސިއޭޝަންތަކުގެ ހިންގުމަށް އެއްވެސް ނުފޫޒެއް ނުފޯރުވަން: ރައީސް